ربنا يكرمك ويخليكي وتتحل كل مشاكلك ..
انا كنت نفس حالتك تقريبا ولو اني مش بحب احكي كتير على نفسي .. بس بديكي بجد خبرتي والنتيجة اللي وصلتلها
بصي انا عاوزاكي مرنه في اختياراتك
ماتقعديش تددقي كتير في النِسَب .. وتدققي كتير في حوادث الفشل اللي بتحصل مع الناس
ادي فرصة للمانع بتاعك شوية مانفعش شوفي غيره على طول
ماتفكريش كتير اوي كدا .. كل ست غير التانية
وحتى لو ربنا كاتبلك تحملي هتحملي حتى لو عاملة مدرعات جواكي
انا ليا واحدة صحبتي حملت في ال40 .. كانت خلاص هيجيلها انهيار عصبي
بس كله عدى والعيال كبرت والحياة ايزي
فهماني
هونيها على قلبك .. واتبسطي ... وعيشي حياتك .. الواحدة من الحمل والولادة والرضاعة والنزيف .. والقعدة بالبيبي ... بتبقى خلاص مش طايقة روحها .. خودي رست شوية وبصي على الامور من منظور خارجي .. وسيبي ابنك مع جوزك شوية وخدي شاور طويل عشان نفسيتك ترتاح
ولا هو الراجل ذنبه ايه .. بيرجع من الشغل يلاقي واحدة عندها نزيف .. ومستحملها وعلى قلبه زي العسل يلاقيها كمان مودية وعصبية ومش طايقة نفسها .. ليه يا بنتي كدا
ان شاء الله هتبقي كويسة وزي الفل .. بس الصبر والمرونة والاستشارة لدكتورة تانية
التعديل الأخير تم بواسطة helwaya ; 27-05-2009 الساعة 02:55 PM