أثناء القراءة او الكتابه تختفي بعض الكلمات سهوا ؟..
السلام عليكم ورحمة الله وبركاته ..
لا أدري هل مكان موضوعي مناسب هنا أم لا ؟؟
.
.
لدي مشكلة غريبة أصاب بالإحراج منها كثيراً !!
وهي أني في بعض الأحيان أثناء قراءة أي عبارة لا أرى بعض الكلمات سهواً مني !!
أقرأ كويس مافيه مشاكل بس فجأة مااشوف بعض الكلمات !!!
يعني قلة تركيز في بعض الأحيان !!
اضرب لكم مثال :
في الماسنجر وأثناء السواليف مع الصديقات افهم العبارات خطأ وأرد خطأ
والسبب أني قرأت العبارة ولم أرى بعض الكلمات أو بعض الحروف !!!
شيء غريب صراحة !!!
يعني قبل قليل كانت وحده تقول لي ( بالتوك ) أنا كنت احسبها ( بـ التوك )
قلت : وش التوك ؟؟ أخبره البالتوك مو التوك !!
قالت : وأنا وش كنت أقول لك ؟؟؟
يالله يوم رجعت لكلامها فوق وفعلاً كاتبة ( بالتوك ) ههههه شي غريب صراحة !!
يعني هالشيء يجيني فجأة احياناً !!
وأحياناً لمّا يكون مزاجي متعّكر أو أكون تعبانة !!
أو منشغل تفكيري بشيء آخر أو مشغولة !!
وأحياناً ينقطع هالشيء فترة طويلة وأصير طبيعية بعدين يرجع !!! 
حتى لمّا أقرأ كتاب أو جريدة أو أي شيء والله مااشوف بعض الكلمات !!!
وحتى لمّا أكتب بالمنتديات أو بالماسنجر أنسى بعض الكلمات وأحسب اني كتبتها
و لمّا أراجع كتاباتي اقرأها وهي مو موجودة أصلاً !!
وبعدين بعد فترة طويلة اكتشف اني ناسيه كلمات وأحرف كثيرة !!
يعني مو كله غباء بالعكس أنا ذكية ولله الحمد بس هذا يحسس اللي حولي
أني غبية وإلا خبلا وإلا فيني شيء !!!
حتى الحمد لله ماعندي أخطاء إملائية ولا حتى عندي مشاكل بالقراءة والحركات!
الصراحة عجزت افسّر هالشيء الغريب اللي يصير لي !!
هل هو شيء متعلّق بالمخ والأعصاب أو شيء نفسي ؟؟
أو شيء طبيعي يمر بأي أحد ؟؟
وش تفسيركم لحالتي ؟؟
( ربنا لا تؤاخذنا إن نسينا أو أخطأنا )
.
.
أختكم / مشكلة والله !
.
__________________
ربي .. إلى من تكلني ؟! ,, ~