المشاركة الأصلية كتبت بواسطة زهور البستان

ما بعرف اذا بفيدكم والا لا لان اولادي كملوا سنتين هذا الشهر

بس نظامهم انهم يجلسوا تسع الصباح اخليهم شوي كذا نص ساعه بعدين اعمل لهم الفطور اما بسكوت مع حليب او بيض مسلوق او اعمل لهم توست مع جبن بالعسل وكالعاده ياكلو شوي والباقي يلعبوا فيه ويضحكوا

وكذا على الظهر وحده كذا تصير وجبة الغدا اما مكرونه او شوربه او رز مع خضار هذي الوجبه الي يعتمدوا عليها اولادي يعني يتغدو كويس

وبعدين على الساعه ثلاث اعمل لهم عصير مانجو او برتقال بالرضاعه ويشربوه ويلعبوا اشوي وكذا ثلاث ونص يناموا

الساعه خمس اجلسهم يعني ما انتظرهم يجلسوا لوحدهم لا ما اخليهم يطولوا بالنوم منشان يناموا بالليل يعني بس يرتاحوا

الساعه ست اعطيهم فاكهه يعني شي يحبوه مثلا موز او تفاح يكلوا اشوي يلعبوا بالباقي

والساعه ثمان ونص كذا تصير وجبة العشا احيانا اطبخ لهم خصوصي مثلا خضار مسلوقه واحيانا ياكلوا معانا من عشانا يعني مهلبيه او زبادي او شعريه او مكرونه او جبن

وبعدين اخر شي اذا بناموا الساعه عشر ونص او احدى عشر اعمل لهم حليب بالرضاعه ويشربوه ويناموا

والماي يشبروا كثير ماي باليوم رايحين جايين ماما ماي عشان يشربوا ويلعبوا فيه

واحيانا اذا جلست لصلاة الصبح اعمل لهم رضاعه حليب نص مو كامله عشان اذا جلسوا الصبح يفطرواااا

مادري كذا كويس والا لا ؟