بسم الله الرحمن الرحيم
بداية أحب أشيد بهذا المنتدى الرائع والأعضاء الكرام فأنامن المتابعين لهذا الصرح منذ سنوات
بارك الله لكم

أنا اليوم حابا أستشيركم وأخذ رأئيكم واتمنى منكم مساعدتي قدر الأمكان جعله الله في ميزان حسناتكم وبارك لكم في ذرياتكم
القصه ومافيها أن أخويا 25 سنه يتيم الأب منذ الطفوله أصغر مني ب6 سنوات أهتميت فيه سنين طويله وحاولت أعوض مكان أبويا الله يرحموا كل حياتي مرتبطه فيه حاولت قدر المستطاع أني أربيه تربيه صالحه أحس أني ملكت سعادة الكون لو شفتوا رايح المسجد يصلي الجمعه من ثلاث سنين بدأيجيب أصحابوا للبيت عارضت بشده وهددتوا وفعلا نجحت لفتره وبعدين رجع يجيبهم وقلبي ماكان مرتاح بس أطمئنيت بعد ماسمعتهم مره يتكلموا معاه أنهم مايدخنوا ويمشوا معاه وهوا مدخن وحرصهم على الصلاه ريحني شويه وأمي وأخواتي قالولي قدامنا ولا بره رغم عدم وجود رجال بالبيت المهم من فترة شهرين أتخاصمت معاه بسبب تقصيروا معايا في أمر ضروري وأتجاهلتوا تماما انا واخواتي حاول قدر المستطاع أنوا يرجع العلاقات بس قلبي كان مليان من أستهتاروا وعدم تحملوا للمسؤليه والله أني أبكي عليه وأحساسي بي أحساس أم خصوصا أنوا عاش ظروف صعبه أكتشفت أنوا بيتعالج عند طبيب نفسي بسبب معاملة أخي الكبير له المهم انا حياتي كلها هوا حتى أني ماأنام الا لمن أحد يصحى وأذا ناموا يصحوني خايفه عليه من الخادمه لايحلى بعينها وتستغل نومنا وطبعا ماأخرج أبدا إلى لمن أأمن البيت في غيابي بس تعبي كلوا راح على الفاضي لأني أكتشفت أنوا خارج من غرفتوا هوا وصاحبوا ومعاهم وحده بنت .........................
أنصمدت صدمه قصت ظهري وأمي من بعدها وهيا طايحه مريضه قلبي محروق ومني عارفه أيش أسوي هوا لو فتره يبغى يتزوج ويلح بس ماأخدنا الموضوع بشكل جدي لأنوا ماكمل دراستوا ولهو متوظف
المهم أتصلت عليه أمي وخاصمتوا كان في المستشفى من الخوف لأننا شفنا والأن هوا مريض من وقتها ولايخرج من الغرفه الا للمستشفى له ثلاث ايام أمس بس اللي رفعت راسها أمي وراحت تكلموا وحلف مايعيدها وأترجاها أنها ماتجمع عليه رجال وأعتذرلها ومنعتوا أنوا يدخل أحد البيت بعد كذا بس كيف نتصرف أحنا كلنا عايشين صدمه حتى هوا الله يجزاكم الجنه ونعيمها ويباركلكم قلولي كيف نحل هذي المشكله شوروا عليا لازم رجال يتفاهم معاه ولا يكفي أحنا وعلاقتنا معاه كيف تكون الله يوفقكم يارب ساعدوني

أتمنى منكم الرد عاجلا

تم تعديل العنوان ليتضح المضمون