الاحترام المفروض يكون لأي إنسان الواحد يتعامل معاه ... يعني قاعدة أساسية
والعلاقة الخاصة أحس إحراج لكن لا مانع من أمور عامة ولا التوجيه بقراءة أشياء معينة
يعني شخصيا ما أتخيل أمي تتكلم معاي بهذه الأمور
أحس إني أقرأ أصرف وهذا اللي صار قبل زواجي ... المعلومات اللي عندي كلها أخذتها من المطالعة
والطبخ حلو الوحده تتعلم لو أشياء بسيطة في بيت أهلها
عالأقل طبق رئيسي ونوع حلى وسلطة تمشي أمورها في البداية
كنا نسوي مع أمي لكن الأطباق التقليدية الصعبة هي تتولاها الله يحفظها
وأنا وخواتي تجهيز السفرة والحلى والسلطات والأطباق الجانبية
وبيني وبينك كنت متخوفه من الزواج بسبب المسؤولية يعني ما كنت أحس إنها وناسة وسعة صدر
بالعكس كنت أحس إني بدخل قفص مسؤولياته ما تنتهي وطفش
وبالرغم من هذا لحد الحين وبعد ما صار عندي بنت أحس إني مو قد هالمسؤوليات وإني مو قادرة أتحمل ولا أنظم نفسي ووقتي
وبكذا أشوف انه التعويد على تحمل المسؤولية من أهم الأمور سواء للفتاة أو الشاب
هذا غير تعليمها حقوقه الشرعية وحقوق زوجها
وما لها وما عليها
وإذا بنفصل في الأمور اللي لازم الوحده تتعلمها قبل لا تتزوج كثيرة وبيطول فيها الكلام
موضوعك حلو واستمتعت بقراءة مداخلات الأخوات
يعطيكم العافية جميعا