عزيزتي بائعة الكبريت..
قبل كل شيء حتى قبل لاتاخذين راينا... كان اتجهتي الى المولى عز وجل..
ستجدين عنده الاجابه الشافيه...
اختي العزيزه صلي صلاة الاستخاره اكثر من مره بالليل والنهار... وادعي في جميع صلواتك.. وبعدها ستجدين في نفسك ذاك الشعور الذي سيغير حياتك الى زواج.. او الى الانتظار لمن هو من نصيبك..
يعني بالعربي اذا كتبه ربي من نصيبك راح تحسن براحه.. واذا ماكتبه الله من نصيبك ماراح تحسين بقبول...
وبعدين اذا وافقتي وانتي مصليه صلاة الاستخاره وارتحتي لاتحاتين شيء لانك توكلتي على الله وصدقيني الله ماراح يخيب املك ولا راح تندمين ان شاءالله...

وبعدين انا بنظري فارق السن مو عيب .. والرجال لاصار عمره خمسين مايعتبر كبير بالسن مررره بالعكس... وبما انك تحبينه راح تحبينه بجميع حالاته حتى لو كان شايب ..
عادي انا افضل ان الرجال يكون اكبر منك تدرين ليه لانه خلاص كبر وعقل وتلقين تفكيره بدا ينضج.. تلقينه انسان واعي خلاص كل همه الاستقرار... طبعا هذي وجهة نظري الخاصه يمكن اكون على حق ويمكن اكون مخطئه..

حبيبتي بائعة الكبريت ... مالك الا الله اول واخر وصلي صلاة الاستخاره .. واذا تبين اذكرك ببكيفية صلاة الاستخاره والدعاء فيها مو مشكله... قولي لي...وان شاءالله ماراح اقصر..
وتوكلي على الله ..من يتوكل على الله فهو حسبه..
وبما انك واثقه من اخلاقه وسالوا عنه اهلك ..توكلي على الله وان شاءالله ماراح تندمين..
وللمره الثانيه اقول لك كفايه انك توكلتي على الله
واتمنى لك التوفيق ..ويرزقك بالزوج الصالح...
ولا عليك من الناس ... لو راح تسمعين كلام الناس راح تضيعين..الناس بيتكلمون عنك يومين وبكره ينسونك.. ولا راح يفيدونك بشيء الناس وش همهم ..همهم سعادتك لاوالله بس ودهم يتكلمون بسالفه جديده...انتي لاتهتمين بكلامهم اخذي وخلي ولا اسمعي من اذن وطلعي من الاذن الثانيه.. صلي واستخيري الله وتوكلي عليه... والله يوفقك..
اتمنى اكون افدتك..
واخيرا تقبلي تحياتي