خلينا نبص للموضوع بواقعية
هو اتجوز واحدة تانية
غالبا هيكون لجمالها ولصغر سنها ... زي اغلب الرجالة !!
وهي عشان تضمن انه مايسيبهاش او على الاقل مايستمتعش بيها ويرميها طلبت فلوس او بيت ليها !!!
وده بيحصل كتير ان الراجل يتجوز تاني سواء من بلده او من بلد غيره ويحس بالمسؤولية فيطلق !! وتترمي الست المسكينة تاني ولا كئنها اتجوزت .. وخصوصا انه قال ان كان ليها تجربه سيئة !!! يعني الست ملدوعة من واحد قبل كدا وقلقانة .. وعندها شعور بعدم الامان..
انا شايفة انه وضع متعادل.. ولكن يلزمه بعض الشده والمصارحة من جانبك
يعني تقولها انا خلاص كتبتلك كذا وكذا وانا وضعي كذا وكذا ومش هقدر اعمل اكتر من كذا واللي معاية هنعيش على قدره وخلاص ..!!
خليك حاسم وحازم وماتخافش على زعلها .. ابتدي الموضوع بإنك شاريها .. وبتحبها وانتهي بيه على انك برده شاريها ولكن بحزم .. واشرح كله .. وانك ماترضاش بالوضع المايل والنكد وفكرها بحقوقك ...وماتتنازلش .. مهما عملت .. وحط الطلاق في آخر آخر الحلول...
وبالنسبة للاخوة والاخوات موضوع الجواز من جنسيات مختفلة ضحاياه كتيرة من الطرفين وعلى ايدي
يعني الظالم والمظلوم بيختلفوا مش شرط لجانب واحد ..
والنماذج السيئة موجودة في الطرفين .. بشكل متعادل وبكثرة
وغير كدا هو اتجوز بالحلال فبلاش نقعد نلومه من غير سبب على انها من جنسية تانية وبس !
وربنا يقدرك على العدل .. وعلى المسؤولية
التعديل الأخير تم بواسطة helwaya ; 06-06-2009 الساعة 05:20 AM