منتدى عالم الأسرة والمجتمع - عرض مشاركة واحدة - استعمال حبوب منع الحمل المركبة اثناء الرضاعة ارجو الافادة

06-06-2009, 09:15 PM

#50

ماريا

عضو المنتدى الفخري

تاريخ التسجيل: Jul 2006

المشاركات: 10,538

اقتباس:

المشاركة الأصلية كتبت بواسطة ملَك شادي

ماريا بس قلتلها عطريقتي في الكوندوم صارت تضحك وتقول والله طريقة كويسة تمنع الحمل اكتر من 90%
شفتي طلعت مبتكرة
قال بتقلي لو مازبطت امورك يعني بعد 10 ايام ماانقطع الدم حرجع تشيلها الي
ولو قطع ورجع نزل برضو ارجعلها
وقال شوووو بدها تركبلي لولب نوع مابنزل دم
وقالت الهرموني سيء لانو بروجسترون وحيعملك نفس الاشي
بس انا مابدي لولب ولو حركبو بدي اروح دكتورتي الاصلية
كيف اتهرب منها لو قالتلي تركبو الي
؟؟؟؟؟؟
مابدي اكزب واقلها بديش اركب لولب فرضاااااااا ركبتو وفرضاا رجعتلها مابتعرفي ليش
شو موقفي
مع اني مش ناوية عاللولب ولا الحبوب العادية
صديقتي الي قلتلك عنها ياحرام مع الوقت الظاهر حليبها قل كتير وبتقول تقريبا نشف
يمكن عشان بتشتغل وبتغيب كتير ومابترضع فترة طويلة

ادعولييييي

أهلا ملك

بالنسبة للحبوب اللي وصفتلك ياها مادتها الفعالة هي عبارة عن هرمونين (استروجين و بروجسترون ) يعني متل الحبوب المركبة لكن بجرعة خفيفة جداً لا تكفي لمنع الحمل
و وظيفته متل ما قالتلك الطبيبة يعطي للي عندها خربطة في الدورة و اللي بتعاني من النزيف المستمر
هو غير منصوح به لمرضعات كونه يحتوي الاستروجين
لكن يعطي بوصفة الطبيبة

أما مشان اللولب عادي قوليلها ما بدي لولب انا بفضل ابقى عالطبيعة و اتركيني جرب الكوندوم و شوف شو بصير معي يمكن فكر بتركيب اللولب لما افطم ابني
عادي يعني ما تخجلي منها هدا جسمك و هي حياتك قوليلها أنا راضية بالاحتمال البسيط للحمل
هههههه حتى لو انتي مو رضيانة يعني كلام مشان تروحي لطبيبتك التانية (طبعا اذا هي رغبتك)

و انتي بعدها وين ما حبيتي تروحي روحي
و اذا أصرت على تركيب اللولب و انتي اقتنعتي قوليلها تركبلك النوع الأقل تخريشاً للرحم لأن اللولب له كتير أشكال و معظمها بزيد غزارة الدورة لكن في نوع أقل من نوع

بتذكر الطبيبة لما فرجتني الأنواع نصحتني بالنوع اللي في الوسط شوفي هالصورة

قالتلي اذا قررتي تركبي ركبي من هالنوع أقل شي بعمل نزيف

__________________
.
.

استودعتك أهلي في سوريا يا من لا تضيع ودائعه