يا قلبي عليك يا عنوبه ..
والله انك احسن مني .. تدرين ليه ؟؟ لان عندك( نت )تفضفضي و تطلبي النصيحه من اللي عندهم
خبره بالحياه .. و تستفيدي من المواضيع الخاصه بالحياه الزوجيه ..
انا تزوجت و عمري 17 سنه .. كنت عايشه في عيله هااااديه جدا ما عمري شفت امي و ابوي
يتخانقون .. وامي مو من النوع اللي تتكلم معي عن كيفية معاملة الزوج او كيف تنحل المشاكل ..
المهم تزوجت و انتقلت مع زوجي الي السعوديه .. و بدت المشاكل العاديه لان طبائعنا مختلفه
و استمرت المشاكل البسيطه لمدة خمس سنوات .. ولكننا فهمنا بعض بشكل ممتاز بعد عشر
سنوات .. مشكلتي اني خجوله و ما اعرف كيف اجلس مع زوجي و نتصارح اذا صارت مشكله
بعدين تجرأت .. اذا صار شي ما يعجبني او صارت مشكله و تراضينا اقول له يا بو فلان الليله ابغى
اجلس معك عشان نتفاهم على اللي صار .. و بالفعل نجلس و نتصارح و كل واحد يتكلم بكل هدوء
واحترام و يشرح للثاني ما هو خطأه و ما هي الاشياء اللي تضايقه و عرفنا اشياء كثيره كنا نغلط
فيها بدون قصد و نكررها .. لكن بعد جلسات المصارحه فهمنا ماذا نريد من بعض ..
عطي زوجك خبر ان الساعه الفلانيه لازم يفضي نفسه عشان تتفاهمون على كل صغيره و كبيره
منها ان التلفزيون يغلق وقت الاكل و منها تقضية امورك و منها انك راح تحاولي تخففي من عصبيتك
و و و و و .. اهم شي تحددي له موعد معين و تجهزي الشاي و الحلى و تتفاهموا ..
واي استفسار لا تترددي انا تحت امرك يا قلبي ..
بالتوفيق ان شاء الله ..