انا مجربه هالشي بس انا بالعكس انا ما احب اتكلم الا مع زوجي وزوجي كلامه قليل ولا يوافق عقليتي فلقلة كلامي اذا جيت اتكلم ابي اتكلم في حاجه انا احبها
فبعد تردد كبير الجا للهاتف عشان انبسط واسولف يعني اوسع صدري
المهم تبي حلول اللي اتمنى ان زوجي ياخذ بيها واللي باذن الله بتفيدك:
1-الفترة اللي هي معتاده تكلم فيها انت اجلس معاها واجلس سولف وياها وضحكو يعني خليها تنبسط مو تخليها تحمق وتنفرها من الجلسه معاك كذا بتلجا للتليفون
2- اذا شفتها مهمومه اسالها وش فيك ومو اذا قالت ما فيني شي ما تصدق على الله وتروح لا حايلها عشان تصير انت مئواها مو التليفون
3-حط ببالك انو من غير المستحسن ان زوجتك تقول للغير عن يومكم حتى لو هي اشياء عاديه عيون الناس ما ترحم حتى لو بابسط الاشياء عشان كذا لازم تقول لها خطورة اخبار الاخرين عن حياتكم حتى ولو اقرب الناس
4-اسالها عن يومها من انت رحت للعمل الاما جيت وش سوت
وبكذا راح تحس باهتمام منك وبتلقى اللي تسولف معه وما راح تحتاج الاحد
وبتكون ضربت عصفورين بحجر بترتاح من هم الفاتورة
وبتلقى زوجتك متحسنه كثير لان احنا النساء ما نبي الا الاهتمام واحد يسمعنا

وان شاء الله افدتك

لا تنسى تدعيلي