أشكركم على مروركم ودعواتكم ..

أنا ماسويت أشعة تاني .. ومنتظرة مرور شهرين على الأقل حتى أعيد الأشعة .. بإذن الله

وللي طلبو الطريقة ..

صراحة أنا ما ألتزمت بالطريقة .. ولكن هذه هي على كلام الدكتورة ..

الطريقة يابنات مو جديدة ولا مبتكرة هي تقريبا مكتوبة في أغلب المنتديات ..

وهي تحري يوم التبويض مع أستخدام غسول الكربونات .. فقط ..

أنا أبدا ما أقتنعت بطريقة رجيم الولد ورجيم البنت .. الجدول الصيني كنت دائما أشوفه وبمجرد ماعرفت إنه حرام تركته

بالنسبة ليوم التبويض طبعا لازم تكوني متابعة فترة طويلة .. حتى تعرفي تضبطي يوم التبويض عندك بالضبط متى ..

بعني قولي ستة شهور كفاية .. يعني ست دورات .. هذا للي دورتهم منتظمة .. والأفضل أكيد أنك تتابعي عند دكتورة

بالسونار ..

أنا تابعت التبويض تقريبا سنة وكنت أسجل في جدول لحتى ماعرفت بالضبط أي يوم وبعدها رحت في شهر من الشهور

سويت سونار حتى أتأكد من اليوم صح ولا لا . والحمد لله لقيته صح .. يفرق كم ساعة فقط ..

طبعا علامات التبويض وغيره هذه يبغالها دراسة .. ممكن أي وحدة تسوي بحث وتقرأ علامات التبويض ..

وترا يابنات مو شرط يكون التبويض زي مو مكتوب في الجداول .. يعني اللي دورتها كل مدري كم يوم يكون التبويض في اليوم الفلاني .. لا ... هم يعطونك اليوم التقريبي والتبويض يختلف من وحدة لوحدة ..

إيش كمااااان ..... والغسول موجود في الصيدلية .. ولا تكثري منه .. مرة وحدة قبل اللقاء بعشر دقايق ...

أنا أختي سوت هذه الطريقة وتابعت عند دكتورة .. لكن هي كانت تبغ بنت .. يعني كانت تبغ تبعد عن يوم التبويض .

والحمد لله ربي رزقها ببنت ..

لكن كانت كسولة .. يعني ماتابعت نفسها بنفسها .. لا .. كانت كل شوية تسوي سونار وتتابع مع الدكتورة لحد ماقالت لها إن الوقت مناسب الان . .. أنا صراحة ما أعرف البنت متى .. لكن اللي سمعته إنه لازم تبعد عن أيام التبويض .. حتى ما يكون ولد ..



وكله بإرادة الله .. واللي الله كاتبه هو الخير... الولد والبنت زينة ونعمة من الله ..

ادعولي بالولد الصالح السليم