اقتباس:
المشاركة الأصلية كتبت بواسطة helwaya
حبيبتي دوري في جوجل على موضوع
اختبار بوصلة الشخصية الدقيق
انا معاكي من اول الموضوع وثقي في كلامي ان شاء الله.. هنوصل لحاجة..اهو عرفنا سبب جزء من معظم المشكلة .. بس روقي اعصابك.. واصبري اصبري ان الله مع الصابرين
مهم جدا تقري الموضوع ده لآخره .. هو شمالي وانتي جنوبية
ومش عاوزاكي تستعجلي على حياتك
وخليكي معاه مباشرة .. وصريحة .. وواضحة ..ودقيقة جدا في كلامك .. هترتاحي كتير
ولما يحاول يغلطك ردي بحكمة .. وكمان اتنازلي في اللحظة العصيبة وقوليله عندك حق .. وبعد كدا لو الموضوع مهم ارجعيله بس بطريقة حكيمة واوضح شوية
وعياطك بالنسبة ليه ضعف .. عمرك ماهتستدري عطفه وحنانه بيه ابدا ... بالعكس هو بيكرهه جدا
حاولي تخففي منه
وصدقيني اختلاف شخصيتكم في المستقبل ميزة
بس المشكلة اني حساكم كئنكم ماكنتوش تعرفوا بعض .. يعني لازم تاخدي وقتك في انك تعرفيه وتعرفي عوايده..
اوعي تستسلمي انتي ممتازة جدا وشايفاكي ام حنونة يارب يرزقك بالخلف الصالح... وهو راجل كويس يعتمد عليه وبكرة هتشوفي
واللي فيكي ده مش عيب ابدا .. ولو انتي في دولة غربية حاولي تشوفي دكتور مختص في الامور الجنسية هما عندهم التخصص ده عكس الدول العربية .. روحوا قابلوا دكتور هيقتنع اكتر وهيساندك
من الاخر ... ثقي بنفسك ..
اكتبي في ورقة المشكلة وهتتحل ازاي .. بخطوات ثابته ونفذيها
لازم تعتمدي على نفسك
وصدقيني لو في بلدك .. الموضوع هيبقى رخم جدا وكلام الناس مش بيرحم
ولما يحصل موقف يعبرلك فيه عن حنانه شجعيه زي معملتي بالضبط عشان يتعود يعبرلك
بس انتي اتدايقتي من السبب .. طنشي السبب عشان متوجعيش قلبك هو كدا اسلوبه عملي
وعمرك ماتستني منه ان يحس ايه مشكلتك .. لازم تكوني صريحة وتطلبي اللي عاوزاه ..
احنا موجودين هنا .. والله الكل بيكتب عشان مصلحتك
ماتدايقيش وربنا هيعدلها بإذن الله
لما تحسي انك هتعيطي استغفري اوي وادعي ربنا يكون جمبك واقري آية الكرسي
او اتوضي وبجد هترتاحي وفكري تاني
يعني لما تقابلك مشكلة ماتقفيش قدامها وتندبي حظك .. حاولي تلفيلها من حته تانية ...
ولو اعصابك باظت اجليها شوية لحد ماترتاحي
وفضفضي .. فضفضي .. احنا ستات لازم نفضفض
تعالي طلعي اللي في قلبك هنا .. ودايما هتلاقي حد يسمعلك..
قلبي واجعني اوي انك متدايقة ..ونفسي اخفف من عليكي بأي طريقة .. انا عارفة ان ردودي كتير في موضوعك .. بس نفسي اساعدك ..وبحاول اديكي عصارة معلوماتي .. ربنا يحفظك ويهيألك اللي فيه الخير يارب
|
جزاكى الله كل خير حبيبتى
والله استشعرت كل المعانى الجميله التى امتلأ بها قلبك الجميل من خلال سطورك
انتى انسانه رائعه جداااااااااا
وانا عملت بنصيحتك وقرأت عن الشخصيه الشماليه والجنوبيه وادركت وتأكدت انى جنوبيه وزوجى شمالى
وعندما قرأت سمات الشخصيه الشماليه (لا اخفى عليكى)اتعقدت كيف سأعيش طيلة عمرى مع شخص بهذه الشخصيه
انا اطلق عليها (الشخصيه المتعجرفه او المغرورة او الساديه)
والله لم تعجبنى الصفات المكتوبه ابدا اللهم الا موضوع انه شخصيه يعتمد عليه وواثق من نفسه
ولكن باقى الصفات تستطيع ان تدير عمل ربما او فريق ولكن اسرة؟؟؟؟؟؟؟؟؟
وبالطبع الزوج لا يتطبع بطبع زوجته وانما العكس فانا يجب على ان ارضى بكل هذه السمات كأمر واقع ولا أأمل فى معالجتها
يعنى من الأخر (مش هعرف اخد معاه حق ولا باطل هو كده مش هيتغير)
طيب وانا؟ومشاعرى؟وقلبى؟وحنانى؟واحلامى تروح فين؟؟؟؟؟
انا بالشكل ده مش هعرف اتعامل معاه الا كأنى موظفه تحت ايده
فين الموده والرحمه؟؟
انا مش قلتلكم على المرة اللى ادانى فيها حنان لما كنت حزينه؟
مش قادرة اقللكم الحنان ده اثر عليا ازاى
فى دقايق كنت ريلااااااااااكس وكنت لطيفه وكنت بسعده وكل شىء جميل
لكن انا لما بيمر يومى بالشكل الجامد ده
باجى بالليل بكون سورى مش حاسه بأى حاجه معاه
طيب اعمل ايه ؟هل فيه حل للشخصيه الشماليه دى؟
لا واكتر حاجه غاظتنى انهم بيميلوا اوى للشخص المعجب بيهم وبيمتدحهم
ايه الغرور ده
انا مش بحب كده ابدا
الله المستعاااااااااااااااااااااان
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}
التعديل الأخير تم بواسطة *عروس حبيبى* ; 09-06-2009 الساعة 08:42 PM