اقتباس:
المشاركة الأصلية كتبت بواسطة أميرات
طيب بسيطه .. اطلبي انت مصروف شهري .. ومو لازم يشتري لك
هديه .. اذا خرجتي معه الي السوق و شفتي اي شي نفسك فيه
اشتريه و اعتبريه هديه من زوجك ..
|
لكن ياأميرات وش الفايده إني اطلبه هديه أنا بنفسي
أبغى المبادره تجي منه هو لأنه راح يكون لهديته طعم ثاني وقتها
وبالنسبه للمصروف الشهري هو مادياته مو قويه مره
وراتبه جزء منه يروح في تسديد ديونه حق الزواج ومصروف لأهله وطلبات لخواته والباقي نمشي فيه حالنا بالعافيه
وأنا كنت ومازلت أرحمه وماودي أثقل عليه بشئ ولو لقيت معاه فلوس لساني ينعقد واستحي اطلبه
ومع ذلك كله مابين بعيونه ويبخل علي حتى بالكلمه الطيبه
وكل اللي همه أهله ثم أهله ثم أهله
ياخسارة كل تعبي معاه وأنا وش استفدت منه غير وجع القلب
هذا هو زوجي زعلان مني من يوم الجمعه ومايكلمني إلا للضروره والسبب إني زعلت من انتقاده لحلى سويته له
والله ياأميرات أنا ودي أتعلم كيف أكون قاسيه وشريره وأنانيه وماأفكر غير بنفسي بس
أنا اكتشفت مؤخرا إن الرجل مايقدر ولايحترم إلا الزوجة اللي توريه الويل ونجوم الليل بعز الظهر