لا تتطلقين ارجوك يا اختي
الطلاق بيخليك تتذكرين المشكله كل ماحسيتي بالوحده ... وكل ماولدك صاح وانتي ضعيفه مب عارفه شلون تستكتينه .. سأليني انا .. لما زوجي يسافر وولدي يبكي .. ابكي مقهوره على حالي ... هذا وانا مش زعلانه معاه ولا شي .. والله لو كبر ولدك وشفتي عيال اخوانك يجيبون لعيالهم ثياب العيد ... وهو من اللي يشتري له امه مش ابوه .. من بيوديه صلاة الجمعه .. من بيوديه معاه المجالس ويخليه يتعلم الرجوله ...
انصحك .. لاتحرمين نفسك وولدك السعاده
انا معاك ان الخيانه صعبه والله صعبه ومالومك لو زعلتي .. بس والله زوجك الدرس الوحيد له .. انك تولدين .. وانتي بعيده عنه .. حسسيه انك يمكن ماراح ترجعين ... خليه محترق على نار وخصوصا لما يجي البيبي .. بتكونين في موقف القوه اكثر واكثر .. وهو ضعيف فوق ماتتخيلين .. وبتشوفين شقد بياخذ على نفسه عهود ووعود انه ما يكرر الموقف ...
وهنا .. ارجعي له .. مش بعد الاربعين .. لا لا لا .. بعد ماتستعيدين صحتك وقوتك وجسمك .. تذكري ان كل شهر تبعيدنه عنه تكونين اقوى وهو الاضعف
بس اعتدلي ... لا تطولين المده .. عشان ماينقلب الوضع ضدك
احفظي بيتك .. هنا يبان اصلك ومعدنك ... اصلحي زوجك وعينيه يكون احسن ... وصدقيني ماراح تخسرين ...
وبعدين .. لاتنسين نقطه
طلاقك احسن انتقام من صديقتك لك ... بتقول مثل ماخربت بيتي اخترب بيتها
لاتنولينها اللي حاليا هي تتمناه واللي كانت تتمناه .. كوني اذكى
هي تراها يمكن تتزوج وتبدا صفحه جديده وتكون مثل القطه المغمضه .. وتعيش حياتها ...
اما انتي لاسمح الله .. تشوفين ولدك يكبر قدامك .. وعمرك يروح قدامك ... وحزنك يكبر قدامك ... وهو يمكن يتزوج لاسمح الله
وانتي ايشششششششششششششششششش؟
وحيييييييييييييده
على فكره .. المطلقه واللي معاها طفل .. صعبه جدا جدا .. تتزوج وتستقر حياتها .. لان يمكن ياخذون منها طفلها ...
تذكري شكلك وانتي تختاري .. ياتتزوجي وتتركي طفلك .. يا تربي طفلك وحيده .. وهو متزوج .. وصديقتك متزوجه .. وكلن عايش حياته
لا ثم لا ثم لا
انصحك وبكل امانه
لا للطلاق ...
اكسبي زوجك
اختك حلمي قريب
__________________
اللهم بارك لي في ابني وارزقني خيرا
الحمدلله رب العالمين