المشاركة الأصلية كتبت بواسطة الدمعه الزرقاء

رجعت واستقبلنا في المطار ويوم جاني وش اشوف الشعر ما حلق وهو قبل ما اروح بسبوعين كل يوم بيروح يحلق ولا راح وحالته حاله اول مره بصراحه يستقبلني كذا

شفتي هذا دليل ثاني على التعب النفسي الي جلس يكابده من اجلكم

............

قام مد يده علي وصافحته قال كيف حالكم قلنا الحمدلله وسلم على اولاده قال هذي شنطتكم قلت ايه ومبين على نبرة صوتي اني متضايقه هو سكت وقلب ولا كلمني بعدها

اللـــــــــــــــــه قد ايش كان ينتظر ذي اللحظة ويتمنى انك تشوفينه ويشكيلك

كان محتاجك من جد

يمر على الرجل اوقات يحتاج فيها للأنثى اكثر من اي شي ثاني

واذا لقاها جنبه في ذاك الوقت يتضاعف حبها المدفون من احداث الحياة اليومية

تأسره بحنانها واحتوائها .. وهي بعد تشعر بسعادة ماشعرت فيها من قبل .. لان الحنان والعطاء طبعها

............

قام اخذنا لمول وانا با العاده اذا جيت في يوم ويكند نروح لمطعم محترم خير ان شاء الله ها المره مسحبنا في مول وناكل فاست فود من قهري والله ما نطقت بكلمه

وهذا دليل ثالث على ضيقة المسكين المادية

لكن لان هالشي مرتب في جدوله مانساه

ولا قدر يخيب املكم ويوديكم للبيت

كله لعيونك انتي (ترى لعيونك انتي قبل عياله)
..........

حطنا في البيت وطلع ما شرف الا الساعه 3 اعتقد الفجر

إما لانه حزين جدا من جيبة امله فيك

والرجل يعبر عن خيبة امله بالهروب (ولو بجلسة فلاوية مع الاصدقاء) او بالصمت القاتل

او لانه كان عنده شغل مهم ذاك الوقت
...........

المهم دخلت بنام والله انه ما سئلني وش فيني وليش متضايقه كني ما هميته

لانه هو الي متضايق اكثر منك

وهو في ذاك الوضع اولى بالسؤال

شفتي كيف زعلتي انتي من الطناش مع انك بس كنتي عند اهلك مع وجود تراكمات سببها الشيطان وقلة المعرفة

اما هو فعشانكم يعمل ويعمل -ساحبته هالمشاريع-

وهو الي وقع في كربة ويتمنى ان يجد من يسانده فيها


.....................

رحت انا وجا ينام انا بطرف السرير وهو با الطرف الثاني وبس يتقلب يبي الي بالي بالكم بس كرامته ما تسمح له يقرب

تدرين...

هو ذاك الوقت مايبي الجنس عشان الجنس

هو يبي الجنس عشان محتاجك

عشان تكلمينه ويكلمك زين .. عشان تضمينه

عشان يشكيلك من الي فيه

...............

المهم بعد 6 ايام الاخ بدا يقرب شوي شوي

بالله رجل يخاف الله معك (وبشهادتك انتي) وهذا دليل انك ماتكفرين العشير -تشكرين بقوة على ذلك-

والله والله قليل هم من يعملون من الرجال من سن مبكرة من اجل مستقبل زوجاتهم واولادهم

فهل هذي مكافئته!!!!!!!!!!

6أيام خليتيه

وانتي تسوين عيونه

لالالالالالالالالا

راجعي نفسك وعيدي حساباتك

وبعدين لازم ترتبين الاولويات

تحطين حقوقك في البداية ولاتتنازلين عنها .. يعني شي تاخذينه بالكلام عنه بصراحه ,, وشي بالحيله اللطيفة والتحايل

لكن لما يكون حدث أمر عارض .. مثل مشكلة طاح فيها حبيبك .. او ضيقة .. أو تعب

فهنا تأجلين الزعل وتصفية الحسابات

وانا اقولك تاجلينها وليس تلغينها


.............

وبنص الموضوع قال لي تكلمي فيه شي


أهنئك انك بعد 6 أيام مازلت الغالية

..........................

من بكرا حاول يحظني بس القلب صاد ومقفل تركته ونمت

هذي المفروض ماتنسينها له

يعني تعرفين ان اسلوب السكوت والرسمية وابداء الزعل بهــــــــــــــــدوء يمشي معه

هذا سلاح في يدك .. بس لعد تستعملينه في وقت الاحداث العارضة (نصيحة عظي عليها بالنواجذ)


..................

من بكرا وهو نايم قرب يده شوي شوي بس على طول غيرت وضعي وكملت

طبعا انتي احكمي بنفسك

انسان محب ومهموم وجاي يراضيك

صح انك مازلت غالية

لكن هذي كانت آخر فرصة ضيعتيها من يدك

...............

بعدها بيوم كنت تعبانه ورحت للمستشفى ولما رجعني راح يكمل السهره مع اصحابو

شفتي كيف القهر

ترى التعب الذهني والهم يفوق التعب الجسمي بكثيييييييييييير

شفتي كيف انقهرتي من الطناش وقت الحاجة

تلقينك تقولين في نفسك : حتى لو بيننا اكبر مشكلة المفروض يراعيني وقت المرض

وهذا بالضبط الي كان يدور في راسه اول ماجيتوا من السفر

.....................

وشافني والله ما سئلني وش فيني وشافني على النت لاني من جيت اذا شفته مسكت النت قال شي والله ما توقعته وهو الشعره الي قصمت ظهر البعير وخلتني من جد افكر با الانفصال طلع وقال وش ها الصراخ قلت شد شعرو وبكا الثاني و ما كملت كلامي قال يا اجلسي معهم والا انقلعي انتي وياهم اهناك

كان قدامك اكثر من فرصة تلقين الكلام الحلو لكن انتي صديتيه