اقتباس:
المشاركة الأصلية كتبت بواسطة helwaya
لا لا .. عادي يا بنتي .. ده ممكن يتخانق معاكي على درفة دولاب مفتوحة !!
انتي مش متخيلة
ده بيبقى دقيق ومنظم جدا وبيحب يحسبها اوييييييييييييييي
انا في موقف حصل مع انتمتي .. جوزها شمالي
اتخانق معاها على ورقة ... ورقة رجيم قالها شيليها .. جه تاني يوم بيقولها فين الورقة اللي ادتهالك امبارح .. قعدت تدور ولحقها ومكانتش لقياها ...
دي بأه تعصب الراجل من النوع ده ... قالها بحدة اوي ازاي وفين ... وازاي تضيع .. قالتله انا حفظاها وسمّعتها كلها .. وبرده اتمسك برأيه وقالها ... بصي .. انا قيمتي من قيمة الورقة دي لو مجيبتهاش مش هيحصل كويس ..!!!!!!!!
وهي طبعا مخها باظ .. ايه ده .. معقول خناقة على ورقة !!! ولقيتها في النهاية .. وعدت ولله الحمد
وهي نفسها بتقول هو قالها انا صريح .. يعني لما تعمل اكل حلو بيقولها حلو ولو طلع مش حلو بيقولها وحش .. من اول يوم جواز
هما طبعهم كدا
كل حاجة ليها ميزة وعيب .. وصدقيني انا كنت فاكرة زيك كدا .. طلع لأ .. بوصي الجواز مسؤولية وده كلام دايما كنا بنقوله واحنا بنات
بس بجد الجواز ده مش حاجة بتحصل للواحد وخلاص .. وبتعدي كدا يوم بيومها .. لا ابدا .. انتي بتبذلي مجهود جامد عشان اللي قدامك واللي قدامك كمان بيبذل مجهود .. مجهود لاسعادة اللي هي في الاخر هتعود عليكي بالسعادة
حطي طيب نفسك مكانه ..
اولا دفع العزيز والغالي عشان مراته .. عشان يستقر معاها ويستمتع بالحلال
وبعدين جت ..واتصدم صدمة عمره ومحصلش دخلة اللي هي اهم حاجة في الموضوع .. يعني بالنسبة ليه ده فشل .. ونوعه مابيخدش الفشل كحل ابدا
وبعدين مراته كل يوم بتعيط ولو قالها نسيتي تحطي لبن تعيط ... ويروح ويرجع يلاقي مراته قالبة وعلى شعرة .. وغالبا لو عمل حاجة معجبتهاش هتعيط برده
غير كدا بتكلمة بلغة تانية مش فاهمها .. كل شوية بتقوله حبني احضني وتعيط .. وهو بالنسبة ليه انه ملبيلك طلباتك وانه مستتك ده حب .. دي طريقة تعبيره
وكمان بيفكر لو طلقك هتبقى فضيحة بجلاجل ... هيقولوا ازاي عذراء لحد دلوقتي .. يعني مشكوك في رجولته
ولو جابوا السبب عليكي .. سمعتك هتضرب والرجالة هيخافو منك طول عمرك
هي دي الحالة دلوقتي وعلى بلاطة ...
والله يابنتي كل الازواج عندهم مشاكل .. حتى لو ماجتش من اول شهر العسل بتيجي بعدين .. خصوصا في الاول .. لحد ماتعرفوا طباع بعض كويس
عمرك ماهتتجوزي واحد زيك بالظبط او تفصيل .. مستحيل
جوزك مليان صفات حلوة .. طاوعيها لصالحك .. حاولي الاول انه يكون مبسوط .. وبعد كدا هو هيسمعك بس يستريح
استعيني بالله استعيني بالله استعيني بالله
وماتستعجليش النتايج وخلي عندك اصرار .. ونفس طويل ... تأملي كتير واستغفري عشان تهدا نفسينك وتشحني طاقتك
اهوه كل يوم بتتعلمي حاجة ..
وانا مصرة ان لو انتي في دولة اجنبية تشوفي دكتور متخصص في الجنس
ووادينا معاكي
والله انا داخلة عشانك .. ربنا يكرمك بكلامك ودعواتك الحلوة دي بنشكح ومعنوياتي بترتفع
وانا متفاءلة جدا
توكلي على الله وخدي بالاسباب ...
مش اي ردة فعل منه ماتعجبكيش تنهاري ..
لو لاحظتي ان من ساعة ماعرفتي مشكلتك من كام يوم صغيرين ...
وانتي بتبتدي في الحلول الفعلية وبتعرفي حالتك .. وبتجربي كل يوم حاجة وبترجعي يائسة جدا .. وعاوزة تطلقي
مجموع المحاولات 4 ايام ولا حاجة
ليه بس كدا ..حاولي فترة اطول كمان .. كام شهر على الاقل
ماتستلميش بسرعة
احنا بنشجعك ومعاكي ........... خليكي معانا يامصرية .. عاوزين تشجيع
يارب اطمن عليكي.. يارب واشوفك سعيدة
|
ربنا يخليكى ليا ياحبيبة قلبى
والله صح كل كلامك صح ماشاء الله
ربنا يكرمك ياحبيبتى
واحنا فى دولة عربيه مش اجنبيه
بس خلاص انا بعد كده مش هسيب سورة البقرة من ايدى تانى
انا اصلا من النوع اللى بيتأثر بالحسد جدااااااااااااااا
والله حياتى بتدمر بيه
وطبعا انتى عارفه بأه العروسه بتكون كل العيون عليها
اعوذ بكلمات الله التامه من شر ماخلق
بس بجد المواقف الصعبه دى احلى حاجه فيها اننا بنخرج منها بناس حلوين اوى زيكم كده
الناس دول بيبقوا عاملين زى مصابيح النور فى طريق ضلمة
يارب ادى لكل حد اتألم لألمى او دعالى او حاول يساعدنى قصر كبيييييييييييييييييييييييير فى وسط الفردوس بجوار الحبيب المصطفى عليه افضل الصلاه والسلام امييييييييييييييييييييييين
واجمعنى بيهم فى الجنه ياارحم الراحمين
متتخيلوش انا بعد ماقريت جزء بس من سورة البقرة حياتى ونفسيتى اتظبطوا ازاى
اللهم لك الحمد كما ينبغى لجلال وجهك وعظيم سلطانك
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}