المضحك في الأمر
إنه الكلام أصلا وصلني عن طريقها ( هي زميلتي ) و هي تضحك ، و تقول تخيلي ؟؟؟
جالسين يقولوا عنك و عني سمعتنا مو كويسة و طنشيهم يا شيخة و لا تهتمي ؟؟؟

و قالت لي :
أنا أصلا متأكدة إنه اللي مطلع الكلام هم ( فلان و زوجته ،، و اللي يصير صاحب زوجي و زوجته )
لإنهم مو أول مرة يتكلموا عنك و عن زوجك يا رزان و انتبهي منهم تراهم حاسوديين و نقالين كلام


لإن بعد ما انتهى كلام الرجال و كلهم على بالهم إنهم يتكلموا عن شخص واحد
فصاحب زوجي راح نقل لزوجته إنه الكلام عن فلانة و اللي أنا ما أعرفها أصلا
و زوجته راحت تقول لفلانة قالوا عنك كذا و تكلموا عن سمعتك و أخلاقك و المصدر رزان
و رزان هذه انسانة صايعة و ماهي محترمة و سمعتها مو كويسة وووو إلخ


و راحت فلانة و حكت لزميلتي و زعلانة ليه تطلعوا كلام عني و ليه رزان تتكلم عني و عن سمعتي ؟؟؟؟
و أنا أصلا ما أعرفها


و عرفت من زميلتي إنه المصدر هي زوجة صاحب زوجي
و كلمت زوجة صاحبه عشان أعرف من فين مطلعة الكلام و ليه و بكل احترام و أدب


و سبحان الله ، ربي شاء إني أفهم الحكاية منها و أعرف إنه الحكاية في الأصل

هي من زوجي و زوجها و هي راحت تحذر زميلتها فلانة إنها تمشي معاي و لا تكلمني و تحذر زميلاتها
من باب إني أنا اللي مطلعة كل الكلام اللي جالسين يتكلموه الرجال مع بعضهم

و مسكت عن الموضوع و قلت بأفهم الحكاية كلها و فهمت الموضوع

و علشان كذا طنشت الموضوع في الأخير ، و شفت إنه زوجي ما أخذ أي موقف و جالس يضحك
و رجع يكلمه و لا كأنه هو و زوجته غلطوا علي و تكلموا عن سمعتي


أنا زميلتي ما صدقت الكلام و جات تقول لي ، لإنها تعرفني
ما أحب الكلام اللي قالوا و زادوا و فلانة و علانة ، و حتى يوم وصلني الموضوع رحت واجهت الشخص
علشان لا يكبر الموضوع و أقلع الشوك من جذوره

بس للأسف ، اكتشفت إنه المصدر بيخرج من بيتي


و أنا ما رحت و فضحت سر زميلتي ، أنا جيت أخذ وجهة نظر زوجي و كلها كلمة و لا كلمتين
و ما كان سر أصلا ، بس هم الرجال اللي ضخموه و كبروه و حطوا فيها أكشن و إثارة

و كنت وقتها فاتحة الإيميل و أبغى أكتب لها ، بس مترددة إنها ما راح تتقبل مني
لإنه الكل موافقها على كلامها و مشجعينها

______________________________________________


المشكلة إنه زوجي مصدق صاحبه ، و صاحبه قدامي و قدام زوجته مبرئ نفسه و متهم زوجي
و أسمعه من الجوال يقول نادوه أكلمه قدامكم و أواجهه

و يروح له بعد كذا صاحبه و يقول له ، أنا بحسن نية رحت أحكي لزوجتي عشان أحذرها لا تمشي
مع فلانة زميلتها لإن سمعتها بطالة


كذاااااااااااااااااااااااب و منافق لإنه قبل كذا تكلم عن ناس كثيرين و مو وراه غير المشاكل
و لسانه وسخ و بذئ و زوجي يجامله و يضحك معاه و مو عارف إنهم بياكلوا لحوم الناس
و إنه بيخرب أخلاق زوجي ( اللي كانت أنظف من الصفحة البيضاء )

و ما أبغى أجيب سيرته أكثر من كذا ، علشان لا يكسب حسناتي

و لو كنت أهدي لأحد حسناتي ، بأهديها لأمي الغالية و أغتابها