الحين بعد 10 سنين وعدد من الابناء توك تقولين ماحبيته
أدري أن الحب مو بالغصب ..
وأدري أن المرأة ممكن تعيش طول عمر ها مع رجل ما تحبه وما كانت تتمناه
عارفه هالشي .. بس هالكلام ما ينقال الحين
لأن التراجع عن خطوة قبل الزواج أو في ايام الزواج الأولى ممكن يكون أخف وطأة
لكن بعد عشرة سنينين وأبناء .. أعتقد أن التراجع بيخلف وراه ضحايا
بالإضافة إلى أن ثمنه أغلى ونتائجة السلبية افدح
طيب .. هل كنتي قبل زواجك من هذا الرجل تمنيتي شخص ثاني أو صفات شخصية ثانية وما حصل لك ...
هل تزوجتيه عن قناعه أم خوف من شبح العنوسة أو هروب من مشكلة معينة في بيت اهلك ؟؟
أنا عارفه أنك ممكن ما حبيتيه عشان شكله أو عشان تحسين أن مستواكم أرفع منه
أو يمكن كل واحد منكم من بيئة مختلفه وصفات هالبيئة تأثر في الطباع
أسباب كثيرة
لكن .. سألي نفسك سؤال ..
ليش تبين تتركينه أو تطلقين ؟؟
بتقولين لأني ما حبيته ولا قدرت احبه ... اوكي فهمت
طيب .. هل تعتقدين أنك إذا تطلقتي راح تحصل لك فرصة ثانية أفضل ؟؟
ايش بيكون وضعك بعد الطلاق .. ؟؟
أما بتجلسين وحيدة ..
أو بتتزوجين واحد معدد تصيرين الثانية أو الثالثة أو حتى الرابعه على الرف
أو تتزوجين واحد أكبر منك بسنين ودهووووور .. يقصر عمرك وياخذ منك أكثر مما يعطيكي
هل تعتقدين أن قدامك فرص أفضل من الي انتي فيه ؟؟
يا اختي إذا البنت الي ما سبق لها الزواج تقول مستحيل اشوف مثل الي في بالي أو الي ابي وتضطر تتنازل
أجل انتي وش بتقولين ..
جلسي حطي عقلك في راسك وعملي حساباتك وشوفي شنو أرباحك وشنو خسائرك
وحطي أبنائك بعين الاعتبار .. مش ذبهم أن أمهم تسرعت وتزوجت شخص مو مقتنعه فيه
ليش تحملينهم تبعات خطأ هم مارتكبوه ..
وبعدين الأمومة تضحية .. أدري انها ممكن تكون مرة بس هذا اختيارك ولازم تتحملين كل نتائجة
أنتي اليوم انسانة ناضجة وأم مسؤولة عن عائلة .. وقراراتك ما تأثر فيك بس .. لا .. هي تأثر على غيرك
لأن اليوم أنتي مو جزء من مجموعة .. أنتي ركن اساسي لمنزل و لمستقبل أطفال
مراح اقولك حبيه .. لأن كلمتك الأخيرة كافية بالنسبة لي
بس هالكلمة ما تنقال الحين
اقتباس:
المشاركة الأصلية كتبت بواسطة عذية.
ماحبيته وبس واحساسي ما يناسبني ولا يصلح لي
|
فكري والقرار لك وتبعات هالقرار عليكِ
ـ ـ ـ ـ
__________________
..كالاطفال نحلم إننا ننام على سحاابة بيضاء يعطرناا المطر ..