السلام عليكم ورحمة الله وبركاته
ان شاء الله ما تعتبري اختي كلامي جارح
المشكلة اللي انتي فيها سبب بعدك عن الله سبحانه وتعالى بحيث انك تسمحي للشيطان يدخلك من اماكن انتي ضعيفة تجاهها
استغفري ربك اختي الكريمة
وجوابي على سؤالك هل انتي تضمني اذا تطلقتي من زوجك ان زميلك يتزوج منك هل فكرتي انه بكون بكذب عليكي بخصوص كلامه عن زوجته ((وبالمناسبة من الخطأ انك سمحتيله بفتح المواضيع هذه معك )) بس طريقه عشان بستدرجك الى شباكه وبعدين اذا انفصلتي عن زوجك ما يتعرف عليكي
لا تنسي اولادك شو رح يصير فيهم اذا امهم تركت ابوهم عشان رجل تاني لا قدر الله

وحبيبتي كلنا ازواجنا بنشغلوا عنا انا زوجي مدرس بس اغلب الوقت خارج البيت بشتغل
انا حاطتله عذر ان شغله ليعمللنا مستقبل كريم وانا ما بنكر اني في بعض الاحيان ما بتدايق من اهماله
بس ما الي غير قراءة القران وبتسلى مع بنتي
ومرات بحضر لزوجي حلوا عشان وقت يرجع وبنفس الوقت بشغل نفسي

وبدك نصيحتي :...
اكثري من الاستغفار وقراءة القران لانهم بسببوا راحة النفس
اقطعي علاقتك مع زميلك واذا قدرتي غيري شغلك ما رح احكيلك اتركي الشغل نهائي
وبخصوص زوجك انتي حاولي تسحبيه لعالمك اكيد عنده ساعات فراغ ولو ساعة بالاسبوع حاولي تعملي فيها اشي مميز ورومنسي لوحدكم وفهميه انك حاسستيه بعدك عنك وانك حابه ترجعوا قراب لبعض زي اول.
اسفة على الاطالة
هدان الله جميعا

__________________
حسبي الله ونعم الوكيل اللهم اهدني لما تحب وترضى وارزقني وزوجي السكينة والطمأنينة