السلام عليكم ورحمه الله
أزيكم يابنات ...يارب تكونوا لسه فاكرينى من فتره كنت مسافره وبعد كده كنت بتابع من بعيد وبدعى مكنتش عاوزه ادخل الا لما أبشركوا بالحمل و أفرحكوا معايا ......لكن اراده ربنا فوق كل شئ
الحمد لله الحمد لله الحمد لله اصبت بالتكيس مع انى عمرى ما كنت اعانى منه أصبت به من شهر فقط ولا أعلم لماذا يمكن من كتر المنشطات ؟ الله أعلم
طبعا الحاله النفسيه كانت تحت الصفر بمراااااااااااحل ويمكن دلوقتى بدأت أحس بالدنيا
لانى كنت الشهر اللى فات كله مش دريانه بالدنيا تقريبا من شده حالتى النفسيه وكنت دائما أبكى ولا اكل وأنام قليلا جدا والله وزنى نزل تقريبا 5 كيلو
كنت مصدومه انى جالى التكيس اللى كنت بسمع عنه حسيت بأحباط شديد ربنا عالم بحالتى
الطبيب بيقولى التكيس بسيط والحمد لله لكن حزنى لانى اصلا كنت بعانى من ضعف التبويض وطبعا دلوقتى التبويض هيكون ضعيف مره تانيه
من كام يوم قلت اعمل هرمون الحليب بالمره طلع (26) والمعمل كاتب لحد 30 طبيعى ولكنى أشعر انه عالى حتى الطبيب قالى انه طبيعى طالما المعمل كاتب كده المهم انه كان 8 قبل زواجى
فقالولى ممكن الحاله النفسيه السيئه اللى كنتى فيها هيه اللى رفعت هرمون الحليب وانه اصلا ممكن ميكونش مرتفع وانا كمان عملت التحليل فى اليوم ال12 من الدوره وعملت بعد ذلك انه بيتعمل فى اليوم 2 من الدوره فهل هذا صحيح يا بنات
ولذلك انا منتظره الدوره القادمه لأعيد التحليل ولكن يجب طبعا ان تكون نفسيتى احسن أدعولى يكون التحليل كويس كفايه عليا التكيس وتعبه
باقى لى شهر وأكمل سنتين زواج نفسى افرح حاسه انى نسيت خلاص كلمه الفرح او الضحك الشهر ده مر عليا كأنه خمسين سنه حزن ربى يعلم بى
معلش يا بنات أثقلت عليكوا لكن كنت عاوزه افضفض معاكوا
حلمى قريب ربنا يعوض عليكى بالذريه الصالحه ويعوضك خير فى البيبى القادم بأذن الله
وباقى البنات تحياتى لكم جميعا وكمان البنات الجداد اللى انضموا هنا ربنا يرزقنا جميعا يارب العالمين