لا حول ولا قوة إلا بالله العلي العظيم
اول شي ضروري يترك أصحاب السوء لأنهم يسهلون عليه فعل الحرام ويزينون له ويهونون المعصية في عينه
ثاني شي : اهو كبير مو صغير يعني بس ذكريه بالعواقب الوخيمة لكل فعل .. بهدوء كلمية و قولي كل فعل
في الدنيا مهما كان صغير وتافه له جزاء وله صدى على الانسان .. انت اليوم عملت كذا مع بنت بالحرام
شلون تأمن أن بكره ما ينعمل في أختك .. والي ساعدك على تدخيل بنت في البيت بكره يساعد على دخول
رجال غريب البيت واخواتك الضحية
شلون راح تأمن على بناتك في المستقبل بعد هالفعل
طيب ما فكرت لو صار حمل للبنت وش فضيحتك قدام الله وخلقه
ما فكرت أن هالبنت الي سمحت لكم تلمسونها وبتسمح لغيركم وبعدين يمكن تبلشك أنت بالحمل وهو طايح عليها
كذا واحد .. وين تفكك نفسك !!
ما فكرت أن هالبنت أو اصدقاء السوء تكون معروف بينهم وتتشوه سمعتك وسمعت البيت كله
ما فكرت بكره لمن تبي تتزوج وأهل البنت الي بتخطبها يسألون عنك .. ويمكن ربي يرميك في شر أعمالك
ويخليهم يسألون هالناس وتكون سمعتك طايحه
ما فكرت يوم يجي رجال محترم يبي يخطب أختك ويسأل عنكم يقولون الناس أن في رجال أغراب وبنات يدخلون البيت
ويطلعون .. يعني شوهت سمعتك وضيعت مستقبلك أنت وأخواتك
ايش ذنب أخواتك .. ايش ذنب أمك الي تحملت ألم الترمل وعناء تربيتكم على أمل تطلع رجال تحمل عنها المسؤولية
وتريحها من تعب السنين
طيب .. ما فكرت في أبوك الي بيتاذى في قبره من أعمالك
هالكلام والتذكير راح يخليه يفكر مليون مرة قبل يقدم على اي فعل بعد كذا
ومثل ما قالوا الأخوات أسأليه إذا يبي زواج .. أخطبوا له بس بعد وعد أنه يكون رجال يتحمل المسؤوليه
ولا يبهدل بنات خلق الله ..
__________________
..كالاطفال نحلم إننا ننام على سحاابة بيضاء يعطرناا المطر ..