زوجك فاضي .. وشايفك جدامة يراقبك ويعلق عليكٍ ..
فاضي .. وما يعجبه العجب .. هو لما يشوف غيرك بيعرف قدرك ..

نصيحة .. لا تطنشي .. لأنه في الأخير زوجك ..
اهم شي لا تخلي كلامة يلغي ثقتك بنفسك ..
وعلى طول بيني له انك واثقه من نفسك .. (ولو كنتي مو واثقة) ..
تحملي ثم تحملي تبيني انك مو واثقه في نفسك ..
يعني ما في داعي تسألين امك او اهلك عن ريحتك وريحة فمك ..
خلاص انتي اجمل واحلى واعطر بنت ..
هو الظاهر يحب المبالغة ..
جدامة .. بالغي في النظافة والشياكة ..
استحمي لما يوصل البيت عشان يعرف انك استحميتي .. وطولي في الحمام ..
ولما تطلعين جدامة تعطري وتأنقي .. وسوي نفسك ما تشوفينه ..
تجاهليه واعطي حق نفسك اهمية اكثر ..
يعني هو جالس على اللابتوب ومتجاهلك عشان كذا انتي مقطعة نفسك عليه ..
وانتي نفس الشي .. بعد ما تتأنقين وتتعطرين وتلبسين احلى شي ..
اجلسي سوي اللي تحبينه .. اقري مجلات .. كتب .. شوفي افلام ..
وإنسية مثل ما ينساك ..

وبالنسبة لأخته اللي تتكلم فيكي ..
بصراحة هذي حقيرة ..
المفروض بدل ما تتكلم من وراكي بالسوء ..
انها تنصح اخوها .. وتجي تكلمك عشان ما تتعقد الأمور بينك وبين اخوها اكثر ..

عمري لا تنزلين مستواك .. وخلك واثقة من نفسك ..
ولأنك جميلة .. تجملي على طول ..
يعني شنو عندك اهم من جمالك .. وخصوصا لما زوجك (اهم شخص) يشكك في نظافتك .. في هالحالة مثل ما قلت لك .. لا تتروشي إلا لما يدخل البيت .. وصفي في الحمام الصابونات المعطرة والبودرة .. عشان يشوف .. وخلي عاد يعد كم مرة تتروشين ويحسب الوقت اللي تقضينة في الحمام .. وصدقيني ترى شكله فاضي وراح يحسب لك ..


الله يهدية ويهنيك يا رب ..
تحياتي ..