منتدى عالم الأسرة والمجتمع - عرض مشاركة واحدة

25-06-2009, 05:31 PM

miss. fofo

عضو نشيط جدا

تاريخ التسجيل: Apr 2009

المشاركات: 465

اذا انت يتزعجنا باسئلتك فانا راح ازعجك بتجاربي

شفت امس تحديدا في بيت صاحبتي مسويه حركه النجوم في السقف و في الاطراف جبس عادي

في النص حاطه لون تقريبا اسود كانه كحلي وفيه انوار جدا صغيره قالتي لي جاي معاه زي الجهاز لمن يشتغل يخلي الانوار الصغيره كانها تتحرك بصراحه عجبتني بس اعتقد انه غالي

اما في بيتي انا سويت تجربه في السيب (الممر) سويت جبس على كامل السقف وحطيت الانوار موزعه عشوائي شي في الطرف وشي في النص بعدين جبت واحد حق بويه خليته يرسم على السقف طالع كانه احد مسك الفرشه وحركها يمين يسار بس طلع المنظر مرة مرة جيد

في مجلس الحريم واللي انصحك بقوة انك تسويه لان لسه جديد

سويت الجبس في الاطراف وفي النص فاضي

بعدين رحت محل اذا تبغى اقولك وين عندهم حاجه راح اوصفلك هى و يارب تفهم عليا

المهم الحاجه هذه زي البرواز اطرافه كلها ذهبي مربع شكله بعدين يجي جوتها زي الشكل البيضاوي فيه منه زي الرسومات جوتها وفيه منه قماش طالع على بره بارز القماش هذا لونه عودي وذهبي نفس نوعيه القماش حق الكنب وفي النص النجفه الموديل الجديد اللي نازل منه كريستالات

وهذي شفت منها كمان شكل مدور جوتها رسمه الاطفال الصغار اللي وراهم اجنحه والارضيه لونها ازرق باهت وفي النص طبعا النجفه

بصراحه للاسف ما اعرف انزل صور

اي سؤال انا في الخدمه

واذا افتكرت اشياء حقولك هى

__________________
يارب ...والباقي وحدك تعلمه