ومستعجل على الحلول ليه بس اذا كانت مشكلتك جميلة خالص
انا مش شايفة اي حاجة وحشة ... وكانت فترة سيئة في حياتك زي اي بني آدم وعدت ولله الحمد
وماشاء الله تبارك الله امورك اتعدلت وكله تمام التمام
مادام راضيين عليك انت قلقان من ايه
دا الواحد اتحمل كتير اوي من عياله من اول مابيتولدوا لحد مابيكبروا (سبحان الله على الصبر ممزوج بالحب )...و تربيتهم حتى فيها مشقة
فأكيد باباك ومامتك عذرينك ومسامحينك من قلبهم
يعني انا مش عارفة اقولك ايه ...بس لو انت متجوز ومخلف هتعرف ان قلقك ده ملوش داعي
وان الاب والام عندهم مسامحة وحب لعيالهم بلا حدود او شروط
وربنا كمان ارحم بيك منهم
وهم دلوقتي كويسين ومش زعلانين عاوز اكتر من كدا ايه
خليك زي ما انت من بر ووصال وان شاء الله يكون مثواك الجنة على افعالك الحسنة معاهم
ربنا يرحم والدي ويدخله فسيح جناته يارب