أختى فى الله ( ساره السعوديه)
فى الاول حبيبتى لازم تكونى واثقه فى الله وتعرفى انك لازم تجاهدى وتتعبى عشان توصلى .....مش مهم التعب حبيبتى طالما فيه أمل
حبيبتى الموضوع مش سئ جدا الحمد لله .....أيوه مش سئ بالرغم من كل ده لانك بتقولى أن الهرمون نزل من 85 الى 38 وده فى حد ذاته شئ جيد جدا جدا والطبيب قالك عيدى العلاج ولو نزل أكتر هيبدأ فى تنشيط المبايض وده شئ جيد برضه الحمد لله
اختى انا مره قرأت قصه على هذا المنتدى الكريم وكانت لسيده قالوا لها الاطباء لن تنجبى أبدا لا تتعبى نفسك قالت لنفسها مافى شئ كتير على ربنا وكانت تتصدق كثيرا وتستغفر كثييييييييييرا جدا وبتحلف انها والله بعدها ربنا رزقها ببنت
انا حاسه بيكى حبيبتى وتعاطفت معك بشده لانى عندى مشاكل فى الانجاب وانا متزوجه من سنتين
و اكتشفت عندى تكيس بالمبايض والتكيس جانى من شهر واحد فقط أنما قبل كده كنت سليمه بس ربنا مارزقنيش ودلوقتى الموضوع طبعا بقى اصعب عشان التكيس
مش هكدب عليكى واقولك كنت جامده جدا من أول الموضوع لآ ....بصراحه انهرت كثير وبكيت كتير يمكن حالتى لمده الشهر الماضى بالكامل كانت سيئه تماما لدرجه ان هرمون الحليب ارتفع عندى من شده سوء حالتى النفسيه وطبعا حسيت بيأس مره أخرى يعنى الاحداث بتتوالى عليا وراء بعض ....انما قلت طالما فيه أمل خلاص استعين بالله وابدأ فى العلاج وبأذن الله ربنا هيوفقنى
وانتى حبيبتى الحمد لله فى تقدم للعلاج الحمد لله والشكر لله خلاص لازم دلوقتى تثقى بالله قوى قوى قوى ومن قلبك قوى
وتستعينى به وتستغفرى ربنا كتير وتدعى ربنا انه يرزقك بالزوج الصالح وبالذريه الصالحه
وعن مشكله الرحم الطفولى انا برضه قريت فى المنتدى ان المشكله دى ليها حل بأستخدام جرعات منشطات مكثفه ولكن طبعا تحت اشراف طبى والشئ ده ممكن يجيب الدوره ويخلى الرحم قادر على الحمل أسألى الطبيب برضه فيها
وأوصيكى ...خليكى واثقه فى ربنا جدا وعلى يقين .....لا تتركى العلاج أبدا لآن كل شى وليه حل وأحنا كلنا هنا فى المنتدى اخواتك فى الله ومتواجدين كلنا عشان نساند بعض لو تحتاجى انك تسألى أو تتكلمى وتفضفضى لا تترددى
متابعه الموضوع حبيبتى واتمنى أسمع عنك كل خير فى القريب أن شاء الله
ربى لا تذرنى فردا وأنت خير الوارثين