السلام عليكم...
بكمل لكم اللي صار...وهلا فيك أختي وردة بين الثلوج..والله يجزاك كل خير أنتي والجميع..ولاتنسوني من دعائكم..بارك الله فيكم..
طبعا كلامه كان مؤلم..قال أنا أحب الأطفال وأهلي ينتظرون طفل لي..أمي دايم تقول الله يرزقك..وش شعوري يوم أشوف طفل أختي..يكفي المستوصف يوم يتصلون يذكروني في الموعد معك...لعلاج العقم..يكفي كلمة العقم تتعبني...أنا كان بإمكاني ماأقول لك وأوهمك إن المشكلة يمكن منك(رغم إني سليمة)..وأخدعك وأخبي عنك!! لكن قلت لك...
سكت ينتظر إجابتي هل بطلب الإنفصال..أو بكون معه؟...أنا برضو أخواني ماتصدقون حبي الجنوني للأطفال لكن قدر الله وماشاء فعل..
طبعا وضحت لزوجي وبصريح العبارة أني أخترت الصبر..وهونت عليه..وقلت الله بيرزقنا إن شاء الله..
في نفس الجلسه قال :لازم تنتبهين لنفسك إنتبهي لازم كل شئ يكون على سنقة عشرة لأن نفسيتي بتكون تعبانه !!!! (يهددني..أجل لوقلت ياعمري أبي أطفال وأصلا أنت كلك على بعضك في عالم آخر بعيد عن القيم والأخلاق ومعاملة الزوجة بمايرضي الله..تتوقعون وش بيسوي فيني؟!!..يتكلم وكأنه موداري عن نفسه ..هوأصلا من زمان نفسيته تعبانه من زمان عصبي!!!...يعني لاجديد)...لكن ماتصدقون كيف كان شعوري حزن بدرجة كبيرة لدرجة إني أقول ليت المشكلة مومنه مني أنا..ماأدري هل أنا ساذجة أو حبه مسيطر علي...
رحت لأهلي كم يوم ..كلمني قلت له أثناء المكالمة مشتاقة لك..مارد ولاجبر بخاطري تجاهل كلمتي..طلبت منه مصروف رفض يعطيني قال (مافيه)..صار بيننا زعل..لأنه رفض يعطيني وتدرون ليش كنت أبي المصروف لأني بشري عباية لأنه يستهزأ بعبايتي ويتطنز بأسلوب...!!....وكان يقول أعطيك لو800تشرين!! ..وكالعاده أخلف بالوعد..طنشني لايتصل ولايرسل ..أرسلت ولارد..كنت أبيه يمر ياخذني..جالسه عندأهلي لامصروف ولاملابس..قلبي ينزف على كل اللي قاعد يصير..أبيه يحتويني وأبي أحتويه..لكن أعتقد أني أعيش الخيال وأطلب المستحيل..
تعبت نفسيتي ياناس والله أحبه ..أتعب إذا زعل وتركني..أدري يمكن تقولون هذا ضعف..لكن قلبي موملكي!!..إذا تركني فكل اللي بالدنيا مايحرك فيني سعادة أويحرك فيني نسيان زوجي أوتجاهل اللي قاعد يصير بيننا..أنسى الراحه أنسى الناس أنسى أكلي وشربي..وماعندي غير جوالي..أناظر فيه أترجى الجوال يدق أو صوت مسج!!...
لاحظت أمي التعب والإرهاق والحزن اللي أنا فيه وإستغربت أن زوجي ماجاء ...سألتني وش فيك؟....هنا بس بكيت ولاني قادره أقول شئ..تدرون ليش ؟..أخاف عليه من كلمة تجرحه أوتزعله من أبوي حتى لوكلمة حق أودفاع عني..
قلت لأمي إنا زعلانين من بعض...وأنه مايرد...قالت أمي أكلمه؟....ومجرد إني سمعت هالكلمه وكأن الدنيا ضحكت لي..إيه يمه تكفين.....وبسسسرعه عطيتها رقمه ..إتصلت فيه أمي....كلامه طبعا حلو مع الناس اللي غيري حتى أمي يوم خلصت المكالمة تقول ماشاء الله عليه!!!....طبعا قال لها إني أنا أبي مصروف وأن مامعه شئ ويبيني أنتظر الراتب وقال لأمي بمرها بكرة آخذها......
وطنشني ولامر ولاهم يحزنون...ووبعد 3 أيام إتصل فيني قال بمرك الليلة ..أهلي مسافرين وأبوي ماعنده أحد يطبخ له غدا!!!...تجهزت ورجعت معه...الصباح صلحت قهوته وطلع لدوام..نزلت صلحت قهوة أبوه ..وتقهويت معه..شكيت له الحال قلت ياخالي ولدك عصبي وتركني عند أهلي و..و...وقلت إني مرة تعبانه معه وإذا ماتعدل ماأتوقع إني أستمر معه..أبوه قال أنا عارف وشايف..أنا اللي قلت له البارح رح جيب زوجتك!!...وقال كلام كثير يخفف عني..
طبعا طول الأيام اللي كنت عند أهلي ومنحرقه أعصابي ..زوجي كانوا عيال عمه جايين من برا..وطايح تمشيات معهم ولادرى عن هوى داري....جلست يومين..اليوم الثاني قلت له أبغى أطلع مع أهلي وخالاتي لمنتزه نسائي..ووافق يوديني والله والله هذي أول مرة من تزوجت أطلع لملاهي..والله والله أول مرة من تزوجت يوديني زوجي لطلعة زي كذا...مايوديني إلا لبيت أهلي..طبعا الطلعة كانت اليوم الثالث بس لازم أعطيه خبر وإلا أحلم بالطلعه...وفي الليل بعد ماطبخت عشا وتعشيت مع خالي..وبعدين رجع زوجي وحطيت له عشا..كان جالس على اللاب توب وأنا معه في الصاله..ماأدري والله كيف إنفتح موضوع (سالفة الكلام اللي قاله لأخته وهي بصفتها تمشي وتتكلم) سألني من قال لك؟...
وبدأ يصارخ ويجرح فيني ويعيد ويزيد على سالفة الريحة وبدون إحترام ولاذوق ولارحمة ولاأدب ولامراعاة يصرخ::قلت لها عن ريحتك الخايسة مثل وجهك!!...وكأنه يريد قتلي ..كأنه يقول نسيتي السالفه أنا بذكرك وبحد السكين وأذبحك كأنه قاعد يقول خلاص من وين لك كل هالصبر روحي ياشيخه لأهلك....
بعد مارمى كلماته سكت..خلص..قال اللي عنده..وإرتاح..هوقالها من قبل بس شكله فنان بالتعذيب..
وقفت دخلت لغرفتي حطيت راسي على المخدة وتغطيت بكيت بكيت بكيت..بعد شوي جاء وإنسدح في مكانه ناداني ولارديت عليه(وش يبي يعني خلاص ذبحتني وش تبي ؟!)..سألني بتروحين بكرة للملاهي..قلت : لا....قال أكيد موبكرة تقولين بروح....ولارديت ونمت ولاأدري متى نمت...
صحيت بدري نزلت جهزت القهوة لخالي وصلحت الغدا ..تغديت أنا وخالي...وزوجي نايم ولاراح لدوام..
صلحت حلا ..فطائر..لأني بروح للملاهي مع أمي وخواتي وخالاتي وبنات خالتي إلى متى وأنا حابسة عمري عنده أراعيه ولايراعيني...نزل وراح لملحق أهله ومعاه القهوة...سألته بدون ماأدخل عنده تبي غدا؟...لا...<<والمصيبة يرد بدون نفس وكأني أنا الغلطانة...رجعت للمطبخ أكمل شغلي..جاء ودخل قال:ماشاء الله ليش مصلحه كل هذا؟...قلت بروح للملاهي.. قال أنتي البارح تقولين مابي أروح؟!...قلت بس أبي أروح.....قال:أوديك بس بشرط تقولين آسفة....قلت:ليش أقول آسفة؟.. قال:لأني مانمت البارح لأنك يوم جيت أراضيك مارضيتي!!!(قصده يوم سألني على السرير بتروحين للملاهي؟!.. يعني كذا الزوج يرضي زوجته؟)..يعني لازم أعتذر لأني سبب بعدم نومه..طيب من قاله يجرحني ويعذبني ويعذب نفسه... قلت:آسفة....قال:يالله تجهزي بوديك....وفي الطريق شب الخلاف بيننا ولاأدري بالضبط عن إيش هو صاير دايم كذا ..سألته إلى متى بنجلس على ذا الحال..قال:كل واحد منا عنده طاقة تحمل إلين ماتنتهي ويقول لثاني ماااابيك!!..
دخلت الملاهي(المنتزة)..يظن إني سعيدة!!...وأين السعادة لزوجة سمعت هذا الكلام من زوجها من حبيبها..
صدقوني دخلت وأنا عقلي وقلبي مومعي...تدرون مع مين؟..مع اللي قتلني وراح...كانت الساعات تمر ثقيلة موحاسه باللي حولي..أصطنع الإبتسامة..أحاول أدخل بالكلام معهم أبين إن مافيني شئ..موقادرة حتى آكل..طول الوقت أناظر بالجوال أنتظر رسالة تجبر بخاطري أنتظر أي شئ...أرسلت له رسالة وسائط حب ومشاعر ولارد..كنت أتمنى يرد بأي شئ على الأقل عشان أرتاح وأنبسط في طلعتي لكن للآسف؟؟!!..دخلت مكتبة في المنتزة أنا أحب أقرأ..وشفت كتب أعجبتني عن أشياء تخصني وأخذتهم ..ولقيت كتاب عن كيف تتمالك نفسك وتتحكم بأعصابك وشريته ولقيت كتاب اول مايشوفه الواحد يدل إنه يوحي عن الحب وهويخص الحياة الزوجية..طبعا أنا عندي كتب كثييرة..بس ماأدري ليش كأني كنت جالسه أتمسك بأي شئ..واللي شجعني إني أهدي زوجي هذي الكتب إنه هوبنفسه يشري كتب عن الريجيم يعني يحب يقرأ.. اليوم الثاني ماجاء ولاإتصل يعني طنشني ومر اليوم الثالث ملييت تعبت موقادرة أتحمل دقيت عليه ..سلمت وسألني عن حالي قلت له متى بتمرني ..تدرون وش رد:قال: وش تبين؟....هنا حسيت باإهانة وإنكسار وضعف...هومايدري عن حال الأزواج كيف يعاملون زوجاتهم هويظن إن أسلوبه طبيعي؟؟!!!..قلت أبي ملابس مامعي إلا اللي لابستهم بالملاهي... (طبعا هو قال لي إرجعي مع أهلك ونامي عندهم وبكرة أجي آخذك لأن بيت زوجي بعيد عن الملاهي ويقول مايمديني أرجع..وأهله بيوصلون بكرة يعني مومحتاجني)
برجع لكم...