فجر الخير يا بنات


يا رب يكون الكل بخير و الحمد لله


حلومة حبيبتى ايه النفسية النص كم دى؟
كل دا عشان واحدة مسلمتش؟
اعتبريها عندها انفلونزا الخنازير و ربنا بعدك عنها

و بعدين يا ست البنات افتحى اجندة تليفوناتك شوفى فيها كام اسم لما يتشال منهم اسم يبقى بالسلامة
و بعدين انتى بتقولى ان علاقتكم اصلا مش كويسة
فانا اعتقد انها مش شمتانة
هى محروقة
انتى واحدة ربنا كرمها بقصر فى الجنة
دى واحدة محدش يشمت فيها
دى واحدة الناس تقر عليها ، تسمحيلى اقر عليكى شوية؟

ربنا يبعد عنك عنين الناس يا قمرة
روقى و دايما بصى للجانب المشرق فى اى موضوع
و حاولى تغيرى جو عشان تخرجى من الحالة النفسية اللى انتى فيها يا حبيبتى

ربنا يهون عليكى و يصبرك يا رب



جناح الرحمة
اسمك حلو قوى
اهلا بيكى اخت جديدة معانا و منورانا فى التجمع
و ان شاء الله نكون وش الخير عليكى و تكونى انتى كمان وش الخير علينا كلنا


فلونا يا قمرة ان شاء الله نباركلك

بصى اان حقولك على حاجة حصلتلى
قبل الحقن المجهرى طبعا لميت معلومات كتيرة من النت
و بنات كتييييييييييييييييييير كانت تقول حاسة بتقل فى صدرى و مغص الدورة و و و و
و قعدت بقى استنى اى عرض من الاعراض اللى قريتها دى ولا جالى اى عرض منها
لدرجة انى كنت بقعد اعيط و اقول ان العملية فشلت
و اقول انه لازم موضوع وجع الدورة دا على الاقل "اصول الحمل كدة"
و اقعد اعيط
لحد ما سبحان الله طلع ان حملى من غير اعراض
طيب ماهو انا كان لازم احمل عشان اعرف اعراض حملى ايه؟
فنصيحة متستنيش اعراض حمل حد غيرك تظهر عليكى
و شوفى اعراضك انتى حتكون ايه؟
ممكن تطلعى ذيى حتعرفى انك حامل من التحليل

ربنا يفرح قلبك و يرزقك و يكرمك انتى و كل البنات اللى نفسهم قلبهم يفرح يااااااااااااااااااااا رب

باقى البنات ربنا يطمنا عليكم
اما عن اخبارى فلا جديد غير انى فى انتظار الحدث السعيد ربنا يعديه على خير يا رب


بحبكم فى الله


رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة