حبيبتي ثبات

هدي نفسك والله عاارفه مدى المعاناة اللي انتي فيها ... انا مع كوني طالبة طب وادرس الحالات هذي واشوفها بالاضافة لهذا عندي قريبة بنفس المرض ومن النوع الصعب مررة واعرف قد ايش المعاناة والالم اللي يسببه التعامل مع هالنوع من المرضى ربي يكون في عونك

زوجك زي ماقلت لك مشكلته الاساسية المرض هو اللي يسيطر على التصرفات السيئة اللي تصدر منه وكون انه يقول لك ان عنده مشاكل مع اهله مو بالضرورة يصيرون هم من اخطأوا بحقه ربما العكس المهم زوجك بسبب المرض نفسيته مضطربة ويحب يثير اي مشكلة ينفس فيها عن روحة .. والشراب ممكن يلجأ له بسبب الحالة اللي يمر فيها ومرات المريض الفصامي يحب يكون شخصية متمردة يعني يحب يسوي شي سيء عشان يلفت انتباه من حوله ... بس مو معنى هذا انه مايخاف لا بالعكس خوفيه هو زي ماقلتي متعلق فيك فلو تخوفينه بزعلك وانه راح تتركينه يمكن باذن الله يأثر فيه ..

هو غالبا البيئة اللي حوله ما تأثر فيه كثير قد العلاج لانه تصرفاته تنبع من الداخل نتيجة المرض انما المؤثر الخارجي يكون ضعيف لكن مايمنع انك تحتوينه عاطفيا وتحسسينه باهميته بالنسبة لك ولاولاده وانه لايمكن تعيشون معه بهالوضع ... وياليت تسرعين بمعالجته لانه مع الايام لاقدر الله لاقدر الله راح تشوفين منه تصرفات راح تزعجك اكثر بكثيييييير من الان ..>> اتمنى ماتزعلين من كلامي بس انا احب احطك بالصورة عشان ماتنصدمين راح تلاحظين انه كل شوي يطلع لك بمشكلة جديدة واكبر من اللي قبلها وانتي شفتي بنفسك اول طلع لك بمشكلة الزواج بعدين الحين مشكلة الشراب وربي يجعلها اخر مشاكله و يشفيه لك ويهديه يااارب