انا اذكر لما تزوجوا اخواني ، انها من تدخل زوجات اي واحد من البيت يمسكونهم خواتي ويقولون هذي القائمه المسموحات وقائمه الممنوعات، هم قصدهم با الكلام هذا يوصلون لهم بعض الاشياء وطريقة عيش اهلي في البين بحكم بعدي عنهم من زمان.

هم بها الاسلوب يقصدون انهم يوضحون نقاااط مرره صغيره صغيره مررره، والمسأله هنا موب تشكيك بأخلاقهن ، با العكس كلهم ما تزوجوا وانا بعد ما تزوجوت الا بثقه اهلي في ازواج اخواني وزوجتي كذلك.

وعلى سبيل المثال للنقاط الي يوضحونا لهن، انوا الي تبي تشيل شي وتحط شي ما تكون قدامنا ، يعني توصل الغرض للباب وتتوكل على الله ، اذا مررره مررره تبي تدخل وتنزل الاغراض ما تدنق او تنحني قدامنا.

المجل او الجلال يكون الى الركبه الله لا يعوق بشر ، نفس شغل الافغان، الطيب والخراط هذا في شقتك وببيتك مع زوجك وعيالك، حتى ريح الجاوينه مرفوض، اذا مره مره بيسمحون بشيء بيسمحون بـ المشاط اذا تعرفينه.

المهم انا رأيي انك انتي تقدرين تغيرنهم كلهم من الاساس ، وهو انك انتي تبدأين بنفسك ، وهو انك تتسترين مرره وحتى احيانا وانتوا جالسين لحالكم لا تكشفين ، قولي لهم انا مانيب ببيتي عشان اكشف ، انا هنا عابره سبيل ولا يجوز اكشف، هم بها الحاله راح يلاحظون وممكن الحرمه السنعه الفطنه فيهن تأخذ الشيء الحلو فيك وتسويه .

ورأي اختي بكر الشايب ممكن يكون صحيح ، اذا كلامها صحيح وتوها عروس ، روحي السوق واشتري لك ولعمتك ولأخوات زوجك ولها اقصد سلفتك جلال او مجل واهدي كل وحده منهن واحد او حتى ثنين ، منها هديه ومنها انك كسبي اجر فيهن.

الله يوفقنا ويوفقكم.

ادعوا لي تراني محتاج لدعائكم خصوصاً ها الايام الى بعد رمضان. يارب تسهل اموري يارب.