بسم الله

شف ياالغالي، انت عايش بكل هدوء واريحيه ، ومرتاح،ولكن قول تبغى زود، وهذي موب مشكله ، ولكن هذي مرحله من مراحل الحياه انت تطلبها ، ولكن لابد انك تحاول انك توصل اي مرحله تعليميه، ومانيل المطالب با التمني،يعني لا تقول ابي وابي وانت ماحاولت.

الكلام الي كتبته بموضوعك حاولت تقوله لزوجتك، حاولت توضح لها وش معنى الحب عندك او وش لون تبغى تعيش الحب والرومانسيه معاها، عادي ترى من ابسط حقوقك، لا تصور لنفسك وتقوم بدور الضحيه وزوجتك هي هي االمتهم او الجاني.

حبيبي زوجتك مسكينه، يعني انت تتوقع انها تعلمت على الكلام او ببالك او الاجواء الي تبي تعيشه من الحب والرومانسيه، هل تتوقع احد قالها او هل جربت ها الاشياء من قبل او احد يعلمها الاشياء هي، او على الاقل سمعت الاكم الي انت سمعتها او شافت الي شفته، ترى هذي مشكله ومصيبه بعد، والي يخلي نصف شبابنا مايرضيهم اي شيء.

حتى لو انها قرت وتعلمت ، هذي ترى موب اشياء فطريه ، هذي الاشياء تكون مكتسبه لأرضاء او عمل شيء معين ، يعني انت تبي ها الشيء غيرك ما يبي الاشياء الي ببالك.

يعني موب عيب لو تكلمها وتقولها ، واهم شي با الحسنى، مره مرتين عشر عشرين، صدقني كثر الطق يفك اللحام، يعني يجي يوم وتكون مثل ما تبي واحسن، ولكن يا خوفي انت الي تكون مليت وطفشت من الاشياء كل الي قاعد تتكلم عنها.

على اي حال، كلنا نبي نحب وكلنا نبي الرومانسيه ، ولكن لابد لنا ان نعلم ونصبر ونتكلم ، الصح بنبوس الروؤس ونشكر ، والغلط بنوجه ونعلم وننصح، الين ماربك يصلح الحال.

الله يوفقنا ويوفقكم