هلا بك حبيبي



وانا بعد مستغرب منك كثير , وبالنسبه لردود الأعضاء أكيد بيكون لها تأثير لكن الصدق ما ينزعل منه والواحد ما دخل وسجل هنا وشرح موضوعه على عامة الناس ولا نعرف هل هم جهال أو العكس إلا انه يبي يشوف وضع عامة الناس وكيف طريقة تفكيرهم , يعني هل هم نفس تفكيره أو هو الشاطح وهم غير علشان يقتنع انه على خطأ , طبعاً إذا كان لا يتبع قاعدة ( إذا لم تكن معي فأنت ضدي ) أو لا يحترم اختلاف وجهات النظر والفروق الفرديه في العقول


ويا أخي حنا ما نختلف على انه وقت ملكه ولحظات ما تتفوت ومدري ايش , بس مو الواحد يهلك نفسه ويحملها ما لا تستطيعه , كل شي بحدود يا اخوي , وانت تقولي جوال من 2500 إلى 5000 ياخوي الله بالعين ما شفناه لكن بالعقل عرفناه , وانت جاي تقول الجوال بـ 800 ولا شي


انا قبل ما اشتري لها هالجوال اللي تشوف قيمته ولا شي , شفت جوالات بنات عمها اللي هم اخواتي وجوالات أغلب الحريم ورحت شريت لها أفضل منهم


أخوي كلنا عيال قريَّه وكلنا نعرف أحوال بعض فلا تجي تقولي 2500 الى 5000 في جوال



إلا في حالتين : الأولى أنك ما عائله فخمه ( من برا أسود ومن داخل بيج ) << مزحه ذي لا تزعل


او الثانيه انك فاضي وجاي تطقطق على روسنا << وهالشي استبعده لكن اتوقع انك من عائله مخمليه مثل ما يقول الولد الرزين


عموما هذا رد من ضمن ردود الشباب عليك واختلافهم معك , وانا اختلفت بعد معك لكن الاختلاف في وجهات النظر لا يفسد للود قضيه , وهناك فروق عقليه وماديه يجب مراعاتها بيننا


ويا ليت ما تزعل مني اخوي وانا مثلك جديد وتقبلتك اخ وعزيز في هذا المنتدى وفي موضوعي وشرفني واسعدني وجودك هنا


فائق احترامي لك