حبيبتي واختي الغالية
هل ممكن ان تشاركيه الكمبيوتر بمعني انه لو بيلعب العبي معاه وخليكي مرة في مرة تحسسيه ان الكمبيوتر اهم منه بس بشكل عادي يعني قوليله مرة تصدق ان الكمبيوتر بيخليني مش بفكر في اي شئ تاني وكده نوع من استفزازه عشان يغير من الكمبيوتر ويحس بازمتك وبصراحة كمان نصيحة الاخ شادي مفيدة جدا الرجال لما تلاقي المراة مطنشة بيجروا عليها بس موضوع اهلك شوفي انتي فعلا ممكن تروحي كل قد ايه يعني لو كل اسبوع روحتي يوم الاربعاء والخميس يبقي ممتاز وخلي الجمعة خروج انت وزوجك وقوليله انا لما اروح عند اهلي بشتقلك يااما تجمعي الايام كلها في اسبوع واحد بس كده هيكون صعب وياريت تعملي حركات روشة كزوجة وتعدي جنبه وهو مشغول قدام الكمبيوتر وماتكلميه واعملي نفسك مشغولة بالمجلة او تليفزيون بس خليكي علي طول جميلة ومتزوقة صدقيني هيفرق نظرته ليكي بالذات لما تطنشيه وحسسيه انك حلوة لنفسك يعني بتعملي كده عشان نفسك وعشان انت شيك مش لازم يكون هو سبب كده او بتغريه وحسسيه انك مشغولة باصحابك اتكلمي بالتليفون قدامه واضحكي وهزري
بس صدقيني كل الرجالة كده وخصوصا الشباب الايام دي ماتزعليش انشاء الله هيتغير بالذات مع قدوم طفل والحمدلله هو مش بيضايقك باهانات والفاظ ,وموضوع الاهل كلهم في الاول بيحبوا يحسوا انك ملكهم هما قبل كل شئ وانهم اهم عند المراة
خلي بالكك من نفسك وابقي طمنينا وردي علينا
__________________
اللهم اهدي شباب المسلمين واجعلهم منصورين بالاسلام محافظين علي قيمه