ياسلام .. الله يسعدك ياخوي و يفرج همك ويسعدكم ويجمعكم على خير يارب..

ماشاالله عليكم فكرتكم حلوة الصراحة شكلي انا بسرقها منك لنها لا تقاوم وتشعلل الحياة مع بعض وتخلي فيها شي حيوي وحلو .. يعطيكم العافية على هالفكرة العذبة والصراحة اوقف وقفة تقدير لك لمعاملتك الحلوة لزوجتك وتحمسك والحمدلله ان كل الامور الحين ماشية ويعلها تمشي دايما..

بالنسبة لفكرة للمذكرات .. تقدر مثلا تسويها ظرف من اوراق المذكرة وعقب تحط فيه رسالة وتكتب فيها كلام حلو .. او انك مثلا تحط صفحة تكتب فيها .. ماأحبه فيك .. وعلى كل صفحة مثلا تحط صفة تحبها فيها وترسم لها او تحط لها صورة او اي غرض هي تحبه او حتى ترفق الصفة بكمن بيت شعري حلو فيه هالصفة .. او في فكرة غيرها انك تاخذ حروف اسمها وتقسمها مثلا هند = ه / ن / د .. وبعدين تكتب على كل حرف بيت او تبدا بكل حرف بيت من الابيات الشعر..

الصراحة فكرة الاسم احسها بتكون وايد حلوة وبتعيبها لن لو صارت لي بستانس وايد D= .. ان شاالله اكون افدتك اخوي..

ربي يوفقك ويتمم لك على خير يارب..