عادي يا ناس ماصار الا الخير

ممكن تبي تهتم فيه ولكن مستحيه وموب عارفه وش تسوي له، وممكن غلبها النوم وكبرت الوساده.

المهم

اني اقول لشخص اهتم فيني ، ما اتوقع اني اقولها لا لزوجتي ولا لخويي ولا لأمي، انا ما اتكلم عن نفسي ، انا اتكلم بصفتي كـرجل، وكأنسان عايش بها الكون، صحيح لما اشوف احد يحن علي ويخاف علي ويحاتيني بستانس وبقدر ها الشخص، ولكن الشي الي يطلع من الخاطر يكون له طعم.

اما مسأله نقاش الاخوان وهو ميح ومدري ايش، الان لو اي احد فينا يشوف شخص مصاب با الشارع ، لو حادث لا قدر الله ، وش بنسوي، بديهياً بنتصل على الاسعاف وبنحاول نساعد الشخص قدر الامكان، فما بالك با الزوج وزوجته اياً كان المريض منهم.

اوكي فيه اشياء يبي لها تعلم وصبر ، ولكن شخص مريض واهتم فيه مايبي لها نشدة مطوع، انسانياً واحتساباً للأجر.

اما مسأله الكوي والقميص، اوكي هو الي ماجاب ولكن تقدر تقول يا حبيبي والله مافيه مكواه ولا كان بخاطري اكوي لك واظبط اغراضك ولما تصحى تكون جاهزه ولكن للأسف ماكو كوايه، صدقيني وربي لو تقوله ولو انها توها صاحيه من النوم ولا سوت اي شي بيقول خير ياطير قميص ومو مكوي ، وش صاير ، يعني تقدر تفر السالفها كلها بكم كلمه حلوه.

ولكن لا تقولون الكلام الحلو يبي له تعلم وفيه شخص ميح ومدري ايش؟؟؟

ممكن لو اشوف من زوجتي اي تقصير بقولها وبوجههاا وبقولها قولي لي كلام حلو ، واشكريني ، ترى احب الكلام الحلو منك انت، لأنك انتي احلى واغلى شي بحياتي. يعني ممكن حتى الزوج يعلم زوجته هو وش يحب ووش يبي منها وحتى ممكن يعلمها وش لون تتكلم معه ووشلون تسمعه.

موب عيب وراح يلقها من يمينه لشماله، ترى بناتنا وش حليلهن ، ولكن وين القلوب.

الله يوفقنا ويوفقكم.