منتدى عالم الأسرة والمجتمع - عرض مشاركة واحدة

14-07-2009, 11:17 AM

المتهندم

قلب المنتدى النابض

تاريخ التسجيل: Nov 2007

المشاركات: 827

مشكورين يا أخوات على التعليق

وأشكر الأخت باريسا على الوصف الرائع

وسبحان الله هذي طبيعة في الحريم

مستعدة تتعذر عن حرمة مثلها خصوصا إذا كانت هذي الحرمة تتعرض لهجوم
أم الرجل فالله يخلف عليه

لاحظي أختي باريسا إنت تعذرتي للزوجة بأنها غريبة عن أهلها ومع رجل غريب وعلشان كذا ما كلمت زوجها حتى يوديها المستشفى (أدري إنه مثال)

لكن الزوج المصاب بالإنفلونزا ما تعذرتي له لما راح لأمه وترك زوجته (أحيانا الفلونزا هذي تخلي الواحد منوم في الفراش ما يقدر يتحرك ويمكن ينصاب بحرارة زيادة) وقلتي: (بالله عليكم هذا تصرفات رجل بالغ مسؤول !!)

أنا يا أختي ما ألومك لكن حبيت أبين إن هذي طبيعة أنا ألاحظها في الحريم

واللي يفهم طبيعة موجودة في فلان سبحان الله يعذره ويتقبل تصرفه

المهم

احنا هدفنا نعرف شلون الواحد يتعلم يعبر عن مشاعره بالفعل

هل التعليم والدورات حل مفيد دائما؟ ممكن

هل للتربية دور في التعبير عن المشاعر؟ اي نعم وتأثيرها أكبر من الدورات

طيب لو واحد تعدى عمره ال 20 أو 30 وما تعود ولا تربى إنه يعبر عن مشاعره ايش يسوي

أنا أشوف عدة نقاط:

1- أن يكون عنده ثقة بنفسه: لأنة اللي مو واثق في نفسه ويخاف إن أحد ينتقده أو يضحك عليه هذا ما راح يسوي شي (على افتراض إنه يسوي شي صح مو خطأ لأن بعض الناس يسوي شي خطأ وأحيانا شي محرم شرعا وعلى باله هذي ثقة في النفس!!)

2- يشوف الناس الذكيين اجتماعيا وعاطفيا ايش يسوون ويستفيد منهم: يعني تشوف واحد دائما علاقته مع الناس ممتازة وإذا جاء يسلم عليك يسلم بطريقة فريدة ومميزة ويكلم الناس بتقدير واحترام
وأنا أشوف أي واحد ممكن تلقى فيه شي تستفيد منه حتى الضعيف اجتماعيا تحصل فيه أشياء وأفعال ممتازة

3- تحمل النقد: وهذي تحتاج تدريب، لأن في ناس (وأنا منهم في بعض الأوقات) إذا أحد انتقده وقاله يا أخي تصرفك هذا غبي أو مثلا زوجك قالك إنتي ما تفهميني ولا تعرفين أنا ايش أحتاج، هذا النوع أحيانا ما يصبر وممكن يثور ويغضب أيام
فالشغلة تحتاج تدريب

أنا النقاط هذي ذكرتها للمساندة

وإلا في مواقف إنت تتعامل معاها بشكل فطري<<<<<< ما يتوب

بس هذه النقاط ممكن تساعد إن أحدنا يكون واعي

وطبعا في نقاط كثيرة بس هذا اللي عندي