كان الله في عونك لكن لاتتعبي نفسيتك وتحسي بأنهم اولاد زوجك لا وصدقيني كل الاطفال كدا وعندنا مثل يقول مايشب صغير حتى يشيب الكبير وماعندي اكتر من الي قالوه الاخوات لكن اذا تحسي ان امهم لها سبب في تغيرهم حاولي انك ترسلي احد يكلمها ويفهمها انه الي تعملوا خطر على نفسيات اولادها وتجعلهم مو سعيدين وتعبانين لابد تحببهم فيك لو هي ذكيه وام واعيه خاصه وانت تقولي انها متزوجه خلاص عموما شوفي ام زوجك اذا بينكم تفاهم وحب وعلاقه طيبه اذا تقدر تكلمها من غير مايجيبوا سيرتك عشان ماتفرح انهم منكدين عليك وتزيد او استشيري زوجك انك تكلميها انتوارجع اقولك ادعيلهم بالهدايه وان ربي يسخرهم لك واقري سورة البقره تهدي الاطفال في البيت
الله يسهلك ويعطيك على قد نيتك
ايضا استعملي معهم
جدول للانضباط خانه للنظافه للاكل للمساعده في المنزل للصلاه للادب للمذاكرة واعمليه كجدول يومي ضع صح او خطاء امام الخانه وثوابه يكون اسبوعي روحي محل ابو ريالين جيبي لعبه او اسبوع حلاوه او اسبوع طلعة ملاهي وهكذا اشياء غير مكلفه نهائيا
حاولي ان تكسبي مشاغبتهم في صالحك يساعدوك في المطبخ مثلا او كنيس البيت او او البنات يحبوا هذي الشغلات طبعا على خفيف اكيد وامدحيهم امام ابوهم او جدتهم عشان ما يحسبوك مخدمتهم قولي اليوم فلانه هي الي صنعت لنا الغداء اش رايكم او ياسلام البيت اليوم جدا رائع لان فلانه كنست الصاله وهكذا اكسبي قلوبهم لك
تذكري دائما عظيم الاجر والثواب من الله وانهم امانه انت مسؤله عنهم
احكي لهم يوميا قبل النوم حكايه تعززي فيها السلوك الذي تريديه يعني انسجي قصه من خيالك بصفات الاطفال التي تريدينها واحكيها لهم والصفات السيئه اثارها ونفريهم منها هذي طريقه مجديه جدا
تحياتي لك

__________________