والله يا أخوي ماحد قالك تسكت وتستسلم لهذه الحياة الغير مستقرة
لأن ماحد يحب هالشي .. بس في نفس الوقت لا تجي تقول أن زوجتك
من أول ما تزوجتها جلست الصبح وقامت تتهاوش معك وكل يوم عامله مشكلة من غير سبب
لا تقول أنك غامرها حب وحنان وطمئنينه وكرم وهي ما تعرف إلا تكشر
التكشير له سبب وهو أن الانسان حامل هم داخله وانطبع هالضيق على وجهه
لا تجي من الآخر وتقول حياتي كلها مشاكل .. لا تجي للنتيجة وتسكت
لأن لكل نتيجة اسباب ودواعي ..
مافي شي يجي من فراغ
أكيد في حاجات انت عاملها وانت بنفسك تقول مو مأنه لك .. ليش ؟؟
والدليل هالاختصار الشديد في طرح المشكلة
يا اخوي السعادة ما تجي بالسهولة ولا في شي في الدنيا له قيمة الانسان يقدر يوصله من غير تعب
والسعادة من هذي الاشياء ..
فإذا كنت مش مستعد تتنازل وتقدم تضحيات وتغير من طريقة تفكيرك واسلوب تعاملك
مراح توصل لها حتى لو تزوجت الثانية والثالثة والعاشرة
مافي شي في هالدنيا جاهز .. ضروري نتعب ونقدم أشياء من انفسنا عشان نوصل للي نبيه
وإذا كنت أنت حاط الزواج الثاني في بالك نتمنى لك التوفيق ..
بس ضروري تكون قد المسؤولية الشرعية والاجتماعية الي راح تحطها على ظهرك
وتأديها بكل اقتدار للأولى والثانية
وإذا كنا فعلاً نبغي الحل نحط أسباب المشكلة امامنا ونحلها ونفكك التعقيدات فيها
ونقدم تضحيات والآخر يقدم تضحيات ونقدم خطوة وخطوات والآخر نفس الشي
لكن أنك توقف مكانك وتقولها يالله كل شي عليكِ .. فمراح توصل لشي
في النهاية هذي حياتك وأنت الأدرى بتفاصيلها
__________________
..كالاطفال نحلم إننا ننام على سحاابة بيضاء يعطرناا المطر ..