صباح الخير عليكم جميعا يابنات ....بأذنالله يكون الجميع بخير
عندى ليكم خبرين يابنات واحد مفرح والثانى الحمد لله ما قدرت أتهنى بالفرحه الاولى
الاول انى ذهبت لدكتورى الاول بعد رجوعى من السفر وقلت له موضوع التكيس اللى صار وبعد الكشف بالسونار قالى مافى تكيس!!!!!! طبعا اندهشت وفرحت جدا فى نفس الوقت لكن قالى الدوا اللى اعطاكى اياه الدكتور التانى وأسمه (تاموكسيفين ) منشط سيئ ما كان يجب تاخديه
قلت له طب أوقف الدوا ....قالى مستحييييييييل توقفيه بأى حال من الاحوال كمليه لأخر ال10 حبات ولا وخلاص لانك اذا وقفتيه المبيض بيتأثر
كمان الطبيب فى اول زياره قالى على هرمون الحليب 26 انه مش عالى لان هذا الهرمون بيتغير فى الدم كل 3 ساعات بسب الحاله النفسيه وبيزيد بالليل وبيقل فى الصباح وانا اجريت التحليل باليل فطبعا اتطمنت
الخبر التانى يا بنات انى أمس كان اليوم 14 وكنت واخده الشهر ده ال( تاموكسيفين ) واتصعقت يا بنات لقيت التبويض ضعيف جدا أول مره يحدث معى كذا فى 3 بويضات فى كل مبيض لكن مره صغااااااار
انا فى اول مره اخذ المنشط ده الشهر الماضى اخذت 9 حبات وفى الحبه العاشره تقيأت بعدها بربع ساعه تقريبا لانى كان عندى برد فى المعده تفتكروا يمكن تكون الحبه الاخيره خرجت والتبويض صار كده من تاثير عدم اخذ اخر حبه ....معقول حبه واحده من المنشط يمكن ان تقلل التبويض والله بقيت بفكر فى كل الاحتمالات من كتر صدمتى
بس الشهر اللى بعده ( هذا الشهر) أخذت ال10 حبات كاملين ....
سامحونى يا بنات أنا بفكر معاكوا بصوت عالى لانى حاسه انى خلاص هاتجنن من الصدمه معلش أعذرونى
المهم انه قالى طبعا التبويض ضعيف والشهر القادم هتأخدى 8 حقن نتشيط من اليوم3 من الدوره حتى ال10 واذا لم يحدث حمل الشهر القادم لا تاتى مره اخرى!!!!!!
ما فهمت كلمته يابنات ....يعنى ايه كده خلاص ولا ايه ...الدوره جتنى الشهرين اللى فاتوا تمام مره بعد 26 يوم والشهر التالى بعد 32 يوم وقالى تعتبر منتظمه طالما بين 21 و35 يوم
ما ليه حد افضفض معاه ربى يعلم انى ببكى من امبارح بسبب صدمتى دى ....حتى زوجى لما شافنى كده نفسيتى مدمره بكى عليا قدامى ...أول مره اشوفه يبكى......والله حاسه انى اتقطع من جوه من الحزن والخوف
تفتكروا ليه الطبيب قالى كده... انا مبقتش عارفه حتى أسأله...البويضات كانت فى المبيض الايمن 8 و10 و11 والمبيض الايسر 5 و6 و7 طبعا صغيرين جدا ياريت يابنات اللى مرت بالاحجام دى قبل كده والتبويض زاد مع أبر التنشيط ياريت تطمنى والله انا فى عرض كلمه تطمنى ربى أعلم بحالتى
ربنا يطمنكوا جميعا يارب ......... ربى لا تذرنى فردا وأنت خير الوارثين
التعديل الأخير تم بواسطة flouna ; 19-07-2009 الساعة 12:58 PM