طيب اهدى وبطلى بكاء عشان خاطرى وافضلى استغفرى واستعيذى بالله من الشيطان الرجيم واذكرى وادعى الله ..انا حاسه بيكى والله وانا اتمنى بجد ان ربنا يحنن قلب مامتك عليكى ويرزقك بالزوج الصالح ..مشكلتك قريبة من مشكلة صديقتى وانا طول الوقت بدعيلها وهدعيلك انتى كمان ياحبيبتى بس عشان خاطرى كفاية بكاء
وكمان خلليكى واثقه ان الله دايما هيقدرلك الخير وان كان زواجك تأخر فخليكى راضيه بقضاء ربنا واوعى تسخطى انا حاسه بيكى والله وانك عاوزة يكون ليكى بيت وزوج وفاهمة احساسك لكن فى الأول والأخر مفيش حد بياخد حاجه مش مكتوباله ومفيش حد برده بيهرب من رزقه..استعينى بالله هو عنده الحل لكل مشاكلك وقادر يفرح قلبك ياحبيبتى
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}