والله يابنت الحلال هي مو قاسيه شوي إلا قاااسيه كثييييييير

حد الضرب يعني أيام ما كنت ضعيفه وما أقدر أردها بس يوم زودتها علي لين وصلت والله مرحلة الكليه وهي تضربني أي موقف يزعلها مني كلمه ضرب وحبس بالمستودع بوسط الحرلا أكل لا شرب أي أم هذي وبعدين يقولون حنا نغلط أوك أنا صبرت وحاولت أدواي هالجروح لوحدي وأتناساها ليه ما تحس خلاااص وش تبي تدمر أكثر بنفسي أنا روح ومشاعر كائن حي كثر الضغط عليه يفجره


والله ما قدرت أوقف ضربها لي إلا بعد معاناه ما يعلم بها إلا الله

صارت هي تبكي وتقول يا بنتي عاهدت الله ما أمد يدي عليك عهد بيني وبين الله في سجودي

بس بعد خراب مالطا

اللي هي نفسيتي المسكينه اللي تحملت كثييييير وألحين يعني خلصت من يدها

عوضتني بكلامها العذب وقحه وأنانيه والقائمه تطول ..................


والله إني أبذل كل شي يرضيها الله يأجرني على تحملي لقسوتها


حطي ببالك إن الوالد بكل هالمأسي اللي عشتها معها كان بعيد عن الصوره نوعا ما خوفا مني

لا أكون سبب لطلاقها لانه ما راح يرضى باللي هي تسويه فيني

يعني أبلع ألمي وأسكت وياما في البيوت مظاليم مأكوله مذمومه



الله يفرج همي