معروف انه عادة المص بيكتسبها بالفطره البيبي من هو ببطن امه
والدليل انه كم مره نعمل الترا ساوند ونلقى البيبي بيمص اصباعه وهو يكون لسه بالشهر 6 او 7 من الحمل!!
طيب مين علمه؟
فحرام نعذب البيبي على حاجه بتخليه سعيد وانولد بيها..

وانا كمان لاحظت شي لما تركزي على عادة معينه انتي تشوفي انها سيئه وتحطي راسك براس هالعاده سبحان الله تتحول الى كابوس ويصير زي التحدي ( يا انا اللي كلامي بيمشي يا البيبي )

ولاحظت ذلك من ابني
اول ما انولد ما عطيته مصاصه مش عشان رافضاها بس لانه مانتبهت واول بيبي مافيش خبره
وكنت زيك ينام الولد على صدري بقيت كذا حوالي 20 يوم واكثر بعدين قريبتي نبهتني قالتلي انتي مبسوطه عليه الان لانه البيبي جديد وفرحانه بيه لكن بعدين رح تصير عاده سيئه ..
فكرت في كلامها واستبدلتها باللهايه
في البدايه صرت اعطيه اياها بس وقت يزن وكان فعلا بيسكت بس وقت النوم لا
لكن هلكن بوقت النوم ما ينام الا بعد البكاء والصياح وزوجي عصب علينا لانه يبغى ينام عشان الدوام وصار هو بنفسه يجيب المصاصه ويحطها بفم الولد وفعلا يناااااااااااااااااااااااااااااااااااااام..

بعدين لما صار عال4-5 اشهر اتعلق بيها تعلق شديد لدرجه مقلقه بس انا طنشت ولا عاندت ولا حسسته انه حاحرمه منها (ترى البيبي بيحس وبيفهم صدقيني ) وفجاه ومن دون مقدمات لما صار عال7 شهور صار ياخذها وقت النوم 5 دقايق بس ووقت يدخل بالنومه لا شعوريا يسحبها من فمه ويرمهيا بعيييييييييييييييييد هههههههههههههههه وخلاص!

ما شاء الله تبارك الله ما عملت شي عشان اكرهه فيها عادي خذي الامور ببساطه وبرويه اما قصة انها تنام على صدرك ومعاكم بالسرير اتخيلي لو استمرت كذا الى ما تكبر شوي؟؟ هذا شيء ما يتقبله عقل ولا منطق
انتي توكلي على الله واعطيها اياه وان شاء الله ما تشوفي الا الخير..




كلنا يااختي استخدمنا المصاصه واحنا بيبيات والحمدلله اهو قدامك من احلى ما يكون ما بنا شي

__________________