ساعدوني في جهازي محتاره ومشتته جدا
السلام علكيم ورحمة الله وبركاته
كيف حالكم اخواتي ؟
كالعاده طبعا احتاج المساعده ..
ببدأ اجهز من هذا الاسبوع لزواجي(ماشاء الله تبارك الله) وطبعا حاسه اني مخنوقه ومشتته افكاري لدرجة اني مالي نفس اجهز لزواجي مره مو عارفه ايش اشتري وكيف اقسم مهري( علما بان مهري 50 الف ريال) انا اول وحده من اخواتي تجهز للزواج ومالي خبره بجهاز العروس اسمع تجارب صديقاتي لكن ظروفهن مختلفه عن ظروفي ..عندي فرصة اربع اشهر فقط لاغير للتجهيز.
ودي ابكي الحين من كثر ماني شايله هم التجهيز والزواج.
ابيكم تساعدوني وتقولو لي ايش اشتري مثلا من قمصان النوم والبجايم والملابس الداخليه والملابس الجاهزه وملابس الزيارات وكل شيء تحتاجه العروسه بالتفصيل وكمان ياريت كل وحده تنصحني بالاشياء اللي اشترتها ومااستفادت منها ..
مو عارفه ايش تحتاج العروس ..
__________________
افتقدت كثير بعض الاخوات لي في هذا المنتدى ...
يارب يكونوا بافضل الاحوال ..