اقتباس:
المشاركة الأصلية كتبت بواسطة وردة بين الثلوج
وعليكم السلام ورحمة الله وبركاته
الله يتمم لك على خير ويوفقك ويكتب لك السعادة الدائمة
لاتشيلي هم جهزت أختي في اربع شهور تقريبا والحمدلله أنتهيت قبل الزواج بمدة لابأس بها واليوم أكملت اسبوع من زواجها الله يسعدها ويوفقها ..
المهم سأحاول أُلخص لك موضوع التجهيز بصورة مبسطة حتى يهدأ بالك / " سوف أكتب لكِ بشكل عام وأحذفي الغير مرغوب لديك "
أولاً : أشتري نوته وأكتبي في الصفحة الأولى الحجوزات ليوم الفرح ووزعي المبالغ المقدرة في ظروف أو مظاريف مثل :
- الظرف الأول : الكوشة =
- الظرف الثاني : التصوير =
- الظرف الثالث : الشعر والمكياج =
- الظرف الرابع : الحنا =
- الظرف الخامس : المسكة =
- الظرف السادس : الفستان ( تحددين إيجار - تفصيل - مشترى ) و مهما كان لازم تحطين مبلغ معين له =
ولاتنسي تسجلي أرقام هواتف اللي تتعاملي معاهم بمواعيدهم..
واللي تدفعين له عربون اكتبي ( العربون = .... , المتبقي = ... ) و اللي تدفعين له كامل اكتبي ( تم تسليم المبلغ كاملاً )
ثانياً : نأتي للصفحة الثانيةوعنوانها المشتريات "وكل غرض له مبلغ خاص به محفوظ في ظرف"
ويندرج تحتها /
- الذهـب والألمـاس والذهب الأبيض وشنطة الذهـب وعلى اللي تحبينه أنتي من مجوهرات طبعا ً
لا تنسي تاخذي لك ساعـه فخمه تلبسينها =
-ملابس للطلعات طبعا ً يرجع لذوووقك والمبلغ حسب تقديرك =
- قمصان النوم طويله + قصيره ( سجلي اسم الماركة وقدري المبلغ) =
بجامات نـوم مختلفه (طويل وقصير وبرمودا) =
-أحذيه للطلعات ( صنادل وكعوووب وأبواته طبعا ً الألوان لا تكررينها ومو كلها مرتفعه عشان ترتاحين فيها)=
-ملابس داخليه قطنيه ودانتيل =
- تنانير قصيره + طويله =
- بناطيل وبـديات وتوبـات كت وغيرها=
- عبايات =
- العود والبخور والعطورات =
- كريمات للجسم ترطيب وتغذيه وتنعيم وتفتيح =
- عدة الأظافـر مقص مبرد ولا تنسي تأخذين لك مناكير =
- عدة نزع الشعر ( موس +ماكينه + حلاوه)المرغوب لديك =
- معطرات الفم تلقينها في الصيدليات =
- أستشوار للشعر + كمالياته =
- المكياج بصفه عامة حددي له مبلغ =
نصيحه اشتري من كل شي نوع مثلا "كريم الاساس" خوذي لك واحد
وخلصي كل الاغراض المهمه وارجعي زيدي على اشياءك اذا بقى شي.
وأخيراً
المطلوب منك عزيزتي إنك لما تروحين السوق تشترين لازم تعرفين الغرض من روحتك للسوق ؟ بتاخذين ملابس ؟ قمصان نوم ؟ مكياج ؟ عبايه ...الخ
لما تحددين بتعرفين أي ظرف من المظاريف راح تاخذين معاكي وحاسبي ما تصرفين من المبلغ المخصص لحاجة معينة في شي ثاني
والله يطرح البركة في مهرك إن شاء الله ..
وأعذريني لو نسيت شئ والمبالغ حاولي تحدديها حسب الأسعار عندكم
دعواتك لي بالتوفيق ..
|
جزاك الله كل خير اختي العزيزه وردة بين الثلوج
ماقصرتي والله
الله يعطيك العافيه ,,, طيب اختي مادامك لك خبره ماشاء الله عليك عندي سؤال اذا سمح لك الوقت تجاوبي علي الحين انتي قلتي قمصان نوم وبجايم ,,, تتوقعي قد ايش اخذ قمصان نوم وبجايم وملابس داخليه كم يعني واحد اخذ انا اقول لو اخذ 5قمصان نوم طويله مختلفه موديلاتها وخمسه قصيره برضوا مختلفه الوانها وموديلاتها وكمان قلت خمسه منوعه على حسب الموجود يعني 15 قميص نوم يكفي والا ايش رايك والبجايم كمان قلت 15 بيجامه مابين طويل وقصير وبرمودا
ايش نصيحتك لي اشتري كم طقم ملابس داخليه
دائما صحباتي يقولو لي لاتكثري عشان اكيد حتملي وتشتري غيرها ؟؟
__________________
افتقدت كثير بعض الاخوات لي في هذا المنتدى ...
يارب يكونوا بافضل الاحوال ..