مع احترامي الشديد لك، يا كرهي وبغضي للناس الي تكبر سالفه هواش المبزره وخناقاتهم ، وتعطيها اكبر من حقها. ترى السالفه وربي ما تستاهل

الحين ها البزران بيتهاوشون ، وبيتضاربون ، وبكره يتراضون ، وصدقيني بيكبرون ولا كأن شي صار ، لا تكبرينها اكثر من اللازم. وبعدين وش تبين من زوجك وانتي تقللين من قدره وتقولين الله ياخذني وارتاح، زين انه ما سهل المهمه وخنقك : )

لكن الان هذي موب مشكله، المشكله هو عدم حبك لزوجك وعدم حبه لك ، وش السبب ، وش المانع انكم تحبون بعض، الفطره تسوق ابن ادم على حبه وتقبله للشخص الي عايش معه ، واذا لا صدقيني بيكون فيه سبب.

اتمنى انك تحطين ايدينك على الاسباب وتعالجينها ، واذا تحتاجين مساعده فكلنا اخوانك ونعين ونعاون، للناس للناس.

اما مسأله الطلاق فشيليها من راسك بتاتاً ، صدقيني اذا بتفكرين فيها او تحطينها ببالك ، صدقيني لو انكم تموتون ببعض على اتفه سبب بتقولين ها الكلمه ، لان اللسان مغراف القلب والعقل. وخصوصاً انتوا يا البنات.

الله يوفقنا ويوفقكم