منتدى عالم الأسرة والمجتمع - عرض مشاركة واحدة

28-07-2009, 10:32 AM

عضو متألق

تاريخ التسجيل: Jul 2004

المشاركات: 955

بصراحة ولادتي الاخيرة متل المسلسل المكسيكي

الحمل بتوأم ............
المثبتات من اول يوم الى بداية التاسع ...................
اعراض ولادة من بداية الرابع + نزول دم في نهاية الشهر الثاني .............
ابرتين 3 مرات بالاسبوع لغاية اول التاسع ..........................

دوالي بالرحم + نزول مشيمة + زيادة سوائل من بداية الخامس.............
جلوس في البت وعدم الخروج من اول شهر الى الشهر التاسع فقط الذهاب للعمل والذي مدته
تتجاوز 9 ساعات على المكتب ؟؟؟؟؟؟؟؟؟؟؟؟؟؟.......... مشاكل مع الشركة ( شكلي كنت عبأ وشكلي مش حضاري كرهوني بمعنى الكلمة)

نزول وزن بمعنى ان وزني زاد طوال فترة الحمل فقط 9 كيلو ( توأم )
طبعا 9 اشهر عديتهم يوم بيوم والرزنامه بتشهد

الولادة

ينطبق عليها مثل يا غافل الك الله

اول ما دخلت التاسع بيوم طبعا ما حكينا لحد من اهلي او اهل زوجي لانو مؤشر السترس كان واصل مواصيلو معهم وبصراحة ما كنت متطمنه وما حبيت ازعج حد بوضعي بس كنت كل همي اخلص

دخلت المستشفى وحكيت بكير على الخوف بعد 3 او 4 ساعات لما الاجراءات تخلص

ويا سبحان ربنا دكتوري ودكتور التخدير وووو كانو فوق راسي وآل ايه بنج نصفي
طبعا انا استخدمت كل اللاآت اللي عندي وما نفع معهم حكيتلهم ما بدي ما ردوا حكيتلهم خايفة ما سمعوا يا عالم قيصري واكون صاحية
حكالى دكتور التخدير بكل هدوء مدااااام التخدير الكامل بطلناه ( شو يعني خلصت موضتو !!! ) واحنا حابين نعملك بنج نصفي اريح الك والنا والبيبيز
اريح الهم فهمنا وللبيبيز كمان فهمناها بس الي ... يا عالم يا هو يعني تقصوا بطني وانا صاحية ,,

عادي مدام ورايحة تدعيلي لما تصحي

تطلع عى زوجي وحكيت اوكي بس على شرط زوجي يدخل غرفة العمليات معي لحتى اتسلى وانسى البلاوي اللي بيعملوها في
زوجي طنششششششششش ولا كأنو سامع حد بحكي والدكتور رفض خايف على نفسية زوجي لا يتأثر ؟؟ طيب انا نفسيتي وهم بيقصوا بطني وحوليا الف واحد

الدكتور : لا مو ألف بس احنا مع الممرضات وفني الاجهزة ودتكور الاطفال ودكتورك والدكتور المساند ما بنوصل 17 !!!!!!!

طبعا كعادة النساء المغلوبات على امرهم فوضت امري لله وحكيت ماشي امري لله

طبعا طلعت على غرفة العمليات وكانت المفاجأة شوووووووووو ابرة بالظهر يعني ما حد حكالي انها بالظهر .............. حسبي الله
بدأ البنج يسري وانا حولي 17 واحد ووحدة واجهزة وطططططططططططوط وصوت الاجهزة \
طبعا هاي اول مرة بنام على ظهري من 9 اشهر حسيت حالي بدي انخنق بطلت اتنفس
خلص مشان الله تخدير كامل ( شو تخدير كامل انتي بتمزحي ما هو في ابرة بالظهر وصار تخدير نصفي ما رحموني وانا بترجاهم
مدااااام: لا تفكري بالشي اللي عم بيصير فكري بالبيبيز اللي جايين ( انا بدي انخنق والحجاب الحاجز ضاغط على قلبي والاخ بطلب انو لا افكر ؟؟)

وفجأ ساد السكون
ااااها شكلو السكينة اشتغلت طبعا دكتور التخدير مفكرني بنت صغيرة ( مدام لسه ما عملنا اشي طيب شو بعمل دكتوري وليش مركز اكيد بلش بالجرح )
صرت استغفر واسبح وحاسه حالي زي الغرقان مش قادرة اتنفس وفجأة سمعت صوت اول بيبي وبعد بثواني صوت البيبي الثاني
بعدين خخخخخخخخخخخخخخخخخ شكلهم اعطوني ابرة منوم

2- اي موقف مضحك حصلك او الي كانوا معاكي وقت الولاده

لما بدأ الدكتور بفتح بطني لتوليدي طشششششششششش كل الماء والسوائل اللي كانت بنسبة زيادة عل وجهه بستاهل علشان يصر مرة تانية على البنج النصفي ربنا اخدللي حقي