عزيزي انت سألت الأخوات ولكن اسمح لي بشاركك بوجهة نظر بسيطه.

انا نفس حالتك با الضبط، ويمكن انت تكون احسن مني بشويتين.ولكن بتطرق لسالفتي بعدين.

المهم اخوي انتبه تغير اسلوبك مع زوجتك خلال ها الفتره وعذرك لأنك متعلق فيها وتحبها وتعلقت في بنتك سريع سريع، طيب هي مابيدها شي ، تقدر تكلمها وتشوف وش رأيها ، اذا موافقه اوكي واذا لا كان بها ، ولكن حط ببالك ان لما تكون زوجتك عندك ما تقدر تسوي اي شي سواءاً خدمه او تنظيف او طبخ او نفخ او غسيل او اي شي من ها القبيل، وفوق هذا كله اي مباشره منك او اي تقرب جسدي او حتى كلامي او اي شي بسيط راح يتعبها ويتعبك انت لأنها راح تكون بنفسيه تعبانه حيل ، وبوضع ما يسمح لها حتى انها تتخيل. واتوقع يا الغالي انك فاهم قصدي ما يحتاج اسهب من ها الناحيه.

وفوق هذا كله اوكي انا معك كل بناتنا يعرفون يربون ويرعون ويراعون الطفل حديث الولاده، ولكن هذا صدقني بينقلب عليهن 180 درجه، والسبب انها بتكون بوضع جسدي ونفسي مايعلم به الا الله ، احس اني عاجز عن الوصف بها النقطه بكثر ما عرفت وش يحسون فيه.وخصوصاً يا الغالي لما تكون الولاده للمره الاولى.اتمنى من الله يسهل على جميع امهات المسلمين يارب.

اهم شي حبيبي تأكد انها موب رافضه وتتعذر بوجود عاده عند البنات او اهلها ان البنت من تولد الين تخلص الاربعين وهي عند اهلها ، هذا الي ينرفزني من جد.

الله يوفقنا ويوفقكم، وادعوا لنا با التساهيل.