اقتباس:
المشاركة الأصلية كتبت بواسطة flouna
حبيبتى أنا اول مره أقرا موضوعك وربنا معاكى بأذن الله فى موضوع زوجك الموضوع محتاج شويه صبر وأعتقد ان الاخوات كفوا ووفوا ولكن الان الموضوع الهام موضوع التشنج المهبلى الا أرادى
انا من عامين او أقل قليلا كتبت هنا مشكله اختى عن التشنج المهبلى وتعالجت وحملت الحمد لله وهيه الان حامل فى الطفل الثانى تبارك الرحمن
انتى قلتى انك مصريه ...أكيد تعرفى الدكتوره هبه قطب لازم لازم لازم يا حبيبتى لو المشكله استمرت انك تسافرى وتروحلها
بصى انا أختى كانت عندهاالتشنج وهيه أصلا مش عارفه الموضوع ده اتجوزت هنا فى مصر وقعدت شهر وطبعا لم يحدث دخول
سافر زوجها وهيه المفروض هتحصله بعد فتره وذلك بسب الاجرائات وخلافه المهم بحثنا ووجدنا الدكتوره هبه وهى متخصصه فى العلاقات الزوجيه والجنسيه بالتحديد
وصدقينى يا بنتى أختى بقت الحمد لله تمام وعملت طبعا الجلسات اللى انتى قرتيها
المهم حبيبتى دلوقتى أنك تحلى موضوع التشنج ده بأسرع وقت كلمى جوزك أقنعيه .....بلاش تسمعوا كلام الدكاتره اللى بيقولوا أنك يبتدلعى دول بيخرفوا ....لان حاله التشنج مش معروفه قوى وأصلا موضوع طبيب العلاقات الزوجيه مش موجود فى الوطن العربى الا نادر جدا يعنى تقريبا مش معروف
أهم شى ان زوجك لازم يصدق كده ويشيل من مخه موضوع انك بتدلعى لانه يا حبيبه قلبى لازم يساندك فى كل الجلسات
أقولك على حاجه أنا اختى طبعا كانت بتتعالج من غير زوجها لانى زى ماقلت انه سافر وهيه كانت هتحصله ....الدكتوره فى الاول لما عرفت الوضع ده رفضت وقالت لها لازم زوجك يكون موجوده خصوصا فى اخر جلسات
لكن بصراحه اختى كان وضعها صعب كانت بتتعذب وفقدت الامل فى حدوث الايلاج وطبعاالمفروض انها تسافر وتيجى بعد كام سنه او على الاقل سنه كامله وتيجى فى الاجازه وقالت مش معقول زوجى يستحمل سنه
فالدكتوره قالت لهابالكلمه لانى عمرى ما انسى كلمه أختى( انا هتحدى بيكى نفسى انتى اول واحده أعالجها من غير زوجها) واتعالجت لانها بالفعل ربنا يكرمها دكتوره بجد شاطره جدا جدا
والله يا حبيبتى كملت أخر جلسه وسافرت بعدهابعده أيام راحت هناك كررت الجلستين الاخرين مع زوجها والحمد لله كله تماااااام والشهر اللى بعده حملت
معلش انا طولت عليكى حبيبتى بس حابه أطمنك واقولك متخافيش مش هتعدى بأذن الرحمن لاسنه ولا خمسه الموضوع سهل وله علاج والحمد لله
المهم حبيبتى العياده فى ميدان لبنان فى المهندسين وطبعا مشهوره جدا
بالنسبه لموضوع زوجك ليا رجعه فى الموضوع بأذن الله لكن أهتمى بس الاول بموضوع التشنج لانه مليون فى الميه عليه عامل كبير قوى قوى فى الموضوع ولو عاوزه تسألى عن أى شى تحبى اعرفه من أختى عن الموضوع أنا فى الخدمه ( يابنت بلدى) مثل ما قالت اختنا المصريه
وفقكى الله دائما حبيبتى
|
جزاكى الله خيرا حبيبتى بالنسبه لموضوع التشنج كنت حابه اسألك هل اختك بعد ماعملت التمرينات تم الأيلاج بسهولة ويسر؟وللا ببعض الألم وهى استحملته؟ده اللى انا عاوزة افهمه وياريت اللى يقدر يفيدنى فى الموضوع ده يقللى لأنى بحس ان الأه خارجه من قلبى اوى ومش عارفه هل الكل كده؟وللا الطبيعى ان الموضوع يكون سلس وسهل ؟انا بستغرب اوى ازاى الطبيعى ان الناس بتعمل ده فى ليلة الدخله يعنى معقوله يكون سهل اوى كده لدرجة انه يتم فى ليلة الدخله بسهوله ويسر
انا زوجى نفسه اقتنع انه مكان ضيق جدا واتعقد ويمكن ده اللى خللاه شبه زاهد فى الموضوع انا عارفه انه ممكن يتوسع تلاتين مرة كمان لأنه بينزل منه راس طفل لكن السؤال هل الأتساع ده بيحصل بسهوله فى الجماع ؟وللا بصعوبه بالغه؟وللا ببعض الصعوبه اللى ممكن احتمالها؟انا بالنسبه ليا بيحصل ربع ايلاج كده لكن مشفتش اللون الوردى اللى بيحصل بعد الفض مش عارفه ده كافى وللا ايه؟ياريت اللى يقدر يفيدنى يقوللى...
وبالنسبه ليا لو الموضوع اتأزم مش عارفه يمكن افتح معاه موضوع انى ارجع مصر للعلاج مع انه صعب جدا
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}
التعديل الأخير تم بواسطة *عروس حبيبى* ; 29-07-2009 الساعة 07:44 AM