بصى حبيبتى أختى قعدت تقريبا بعد ما سافرت يومين أو ثلاثه تعمل التمرينات اللى قالت عليها الدكتوره وطبعا بمساعده زوجها وبعد كده حصل الأيلاج عادى جدا ....بس هيه كانت بتستخدم مزلق للمنطقه عندها (فازلين) والدكتوره قالت عليه
لان اصلا بصراحه موضوع الايلاج صعب انا متزوجه من سنتين وبستخدم كريم مزلق ومكنش عندى تشنج ولا حاجه فأعتقد انه فى كل الاحوال سواء كان فى تشنج ام لا لو بتحسى بألم الكريم ده هيحل المشكله بتاعت الالم خالص لانه زى الفازلين كده هو أسمه (EAZ_X أيزى أكس )
وده كان دكتور كتبهولى فى بدايه زواجى عشان موضوع الالم ده ولحد دلوقتى بستخدمه
وده بأذن الله بعد ما مشكلتك تتحل ممكن تجيبه وتحطيه على المنطقه عندك من بره فقط طبعا (عند الشفرتين)
أما بالنسبه لبعد كده الموضوع بقى عادى خالص زى أى واحده طبيعيه بس هى بتستخدم الكريم ده وانا كمان بستخدمه يعنى الموضوع بقى طبيعى خالص
وبالنسبه للجلسات انا سألت أختى قالت لى تقريبا كانوا عشر جلسات كل أسبوع جلسه يعنى تقريبا شهرين ونص بس مش عارفه اذا كانت كل بنت زى التانيه ولا الموضوع بيختلف من بنت لاخرى مش عارفه العشر جلسات دول برنامج متكامل ولا حسب الحاله
لكن فى اخت هنا فى المنتدى كانت كاتبه من مده موضوع جلسات التشنج وكانوا برضه عشر جلسات زى اختى بالظبط
أهم حاجه يا حبيبتى أنك تطمنى نفسك ومتخليش الموضوع ده يهز ثقتك فى نفسك لانك طبيعيه خالص ولان كمان موضوع التشنج ده أصله نفسى وأنتى فى أول الجلسات ألدكتوره بتعمل على كسر الحاجز النفسى اللى عندك عشان موضوع الدخول ده
المهم ان تحاولى تسافرى عشان تحلى الموضوع بأذن الله واوعى حد يقولك روحى عند دكتور نسأ أو شئ لآن أختى أتبهدلت من دكاتره النساء اللى بقولها انتى بتدلعى واللى يديها حقنه مخدره وجالها على اثؤها قئ شديد وتعب يعنى أتبهدلت جدا لان فى فتره وجود زوجها معاها طبعا ذهبت عند كذا دكتور ودكنوره نساء لكن محدش فاهم حاجه طبعا
ربنا معاكى يا حبيبتى ....متابعه موضوعك
التعديل الأخير تم بواسطة flouna ; 29-07-2009 الساعة 03:44 PM