منتدى عالم الأسرة والمجتمع - عرض مشاركة واحدة - زوجي و غرامياته أريد حل نهائي للموضوع

29-07-2009, 06:37 PM

عاشق الجواهر

عضو متألق

تاريخ التسجيل: Nov 2007

المشاركات: 646

اقتباس:

المشاركة الأصلية كتبت بواسطة جناح الرحمه

زوجي البارحه بكى امامي وقال لي انا انتظر اي شي تسوينه واستاهله

السلام عليكم

بما انه بكى فهذه من علامات التوبه

اختي الكريمه انا ما ادري اذا الحل اللي بقوله بينفع مع زوجك او لا

لكنه نفع مع شخص اعرفه وترك هالسوالف وكان معروف عندنا انه مغازلجي درجة اولى

فسبحان الله

انا والله ما اتفق انك تخلينه يترك الغزل بشويش لانه ماراح يترك بالعكس انتي اللي مع الوقت بتتعودين

وهو ملاحظ انك تحبينه فما عقد العزم على ترك هالامور عارف من قبل انك بتسامحينه

وعلشان هالشئ انا ما اعتقد انه بيتوقف من امن العقوبه أساء الأدب

صديقنا المغازلجي زوجته لمت بعض اغراضها وراحت لبيت اهلها يومين

واليوم الثالث صديقنا يدق باب اهلها وجلس معاها هي وابوها

وابوها الى الان ما يدري ليه هي زعلانه وراجعه لبيتهم

واحرجته لما قالت لابوها انا مابقول شئ خليه هو يقول لك

وجلس يتعذر انه غلط بحقها وخجلان من اللي سواه

ولما راح ابوها اعتذر لها وقال لك مني اغير رقم جوالي واطلع شريحه جديده واترك هالامور

وبحمد الله الان حياتهم من اروع ما يكون ورزقهم الله بمولودة

واختي الكريمه مستحيل رجال يضحي بحياته الزوجيه علشان نزوات ومغازلات

لكن يجب ان تكوني حازمة معه

حاولي تحسسيه بكبر المشكله حسسيه بالذنب قولي له هل ترضاها لاختك زوجها يكلم غيرها ويغازل

بتثور ثائرته ويغار

وانا ما اقول لك سوي مثل زوجة صديقنا يمكن زوجته قويه شخصيه وحازمه وهو فكر انه ما يهدم حياته علشان غزل فقطع المشكله

وحقيقة مافيه شئ يكسر الرجال ويحسسه بالخجل الا ان زوجته تكشفه وهو يغازل يحس بصغر حجمه وخجل فظيع فلا تعوديه انك كل ما كلم تسامحينه

وحاولي تبقين معاه اغلب الوقت لا تعطينه فرصه يكلم ويغازل

تحية طيبة