أنا شايفه انها تبي الي خطبها لكن العواطف مو من السهل التعامل معها حتى لو العقل حكم بهذا الشي

وتحتاج للوقت عشان تنزعه من قلبها بمعونة التفكير المنطقي بصفاته ومدى مناسبته لها

ومدى قدرتها على الانسجام وشعورها بالاستقرار النفسي معه

ضروري تعرف أن مو اي شعور بالحب او الاعجاب في شخص معناته انها راح تستقر معه

احياناً تكون ثورة عاطفيه احتاجت للتفريغ وصادفت شخص معين واعتقدته هو المستقبل

كثير نخطئ في حساباتنا لكن لما نفكر بعقل نعرف وين الخطأ ..

طبعاً أنا ما اقول لها تلغي قلبها وعواطفها .. لا .. بالعكس القلب مهم جداً

بس هذي مو خطوة سهله .. هذي حياة جديدة وخطوة مصيريه

ضروري ندخلها برجل ثابته

وأنا حاسه فيها اهي تبي تتزوج الي خطبها لأنها حاسه ان اهو الي بتستمر معاه وخاصه انه يحبها

لكن الفترة الي راحت واهي قلبها معلق في الأول ماراح تنتهي بكبسة زر

من المهم انها تجلس مع نفسها وتعيد حساباتها من جديد

مع أني شايفه أن الي خطبها أكثر استعداد للزواج وأكثر جديه

أهم شي أنها تفكر مين الشخص الي راح تستقر معاه أكثر من كل النواحي

مين الشخص الي يحترمها ويحترم كلمته معها ومع أهلها ؟؟

ولا ننسى أن الزواج يحتاج للأخلاص والصبر .. يعني إذا أختارت واحد لا عاد تفكر في الثاني

وإذا صارت مشكله أو مرت بفترة حرجة من حياتها بعد الزواج أنها تصبر عليه وتحل مشاكلها بروية

وإذا مرت بفترة ركود عاطفي معاه لا تقول ليتني تزوجت فلان لأن اي زوجين يمرون بهذا الشي

حتى لو كانو يموتون في بعض

الآن من المهم أنها تجلس مع نفسها ..

وتسأل نفسها .. الي خطبها هل فعلاً راح تحبه وتقدر تعطيه مثل لو تزوجت الأول

هل راح تقدر تنسى الأول ؟؟

هل راح تبدأ حياتها بجدبه ؟؟

إذا أختارت الي خطبها فمعناته أنها تعتبر الي فات فترة وانتهت للأبد

وضروري تحس بالمسؤولية اتجاهه وتعرض بوجهها وقلبها عن الأول نهائياً


على فكرة










وقبل كل شي ضروري تنتهي من علاقتها الأولى وتحدد موقفها من الأول قبل تبدأ من جديد

__________________